პრესტიჟული ფორუმის ფარგლებში 400-მდე ფილმი იქნება ნაჩვენები. ფორუმის დირექტორის დიტერ კოსლიკის თქმით წლევანდელი ფესტივალზე, განსხვავებით წინა წლებისგან, ბევრი ქალია წარმოდგენილი და არა მარტო მსახიობები, არამედ, რეჟისორებიც. პროგრამა "პანორამა" კი ქართული ნამუშევრით ზაზა რუსაძის მხატვრული დებიუტით "ჩემი საბნის ნაკეცი" გაიხსნება. ნანა ექვთიმიშვილის და სიმონ გროსის "გრძელი ნათელი დღეები" კი "ფორუმის" ფარგლებში იქნება ნაჩვენები. ქართველი რეჟისორების ორივე სადებიუტო ნამუშევარი ეროვნული კინოცენტრის ფინანსური მხარდაჭერით არის შექმნილი. ფილმის შერჩევა მოხდა ბერლინალეს დელეგაციის წინასაფესტივალო ვიზიტის დროს თბილისში (2012 წლის ოქტომბერში). ეროვნული კინოცენტრი ბერლინის 63-ე საერთაშორისო კინოფესტივალის ფარგლებში ორგანიზებულ ევროპული კინოს ბაზრობაზე 2013 წელს მერვედ წარდგება. კინობაზრობაზე გაიხსნება საქართველოს სტენდი, სადაც ამომწურავი ინფორმაცია მიეწოდება ფესტივალისა და ბაზრობის სტუმრებს და კინოპროფესიონალებს ქართული კინოს დღევანდელი მდგომარეობის შესახებ, ასევე ახალი ქართული ფილმების და განვითარების სტრატეგიის შესახებ. საქართველო 2012 წელს გახდა სარაევოს კინოფესტივალის რეგიონალურ სივრცეში შემავალი სრულუფლებიანი წევრი. პირველად “ბერლინის დათვები“ 1951 წელს გაიცა ჯილდოდ. ბოლო დროს „ბერლინალე“-ს სენასებზე 300 ათასამდე ბილეთი იყიდება, რაც იმას ნიშნავს, რომ ეს მსოფლიოში ყველაზე დასწრებადი კინოფორუმია.