ცნობილი ფეხბურთელი, ინგლისის ნაკრებისა და კლუბ „ჩელსი“– ს ნახევარმცველი, ფრენკ ლემპარდი, საბავშვო წიგნების სერიას შექმნის. ამის შესახებ საგამომცემლო კომპანია Little Brown–მა განაცხადა, რომელთანაც კონტრაქტს ფეხბურთელმა უკვე ხელი მოაწერა. ინგლისელი ფეხბურთელი, რომელსაც „ჩელსი“ – სთან კონტრაქტი მიმდინარე სეზონის ბოლოს უმთავრდება, ხუთ წიგნს შექმნის სახელწოდებით" ფრენკის ჯადოსნური ფეხბურთი". წიგნები უმცროსი და საშუალო ასაკის ბავშვებისთვის იქნება განკუთვნილი და ფეხბურთის მოყვარული ბიჭუნა ფრენკის, მისი მეგობრებისა და ძაღლის თავგადასავალზე მოგვითხრობს. ლემპარდის სიტყვებით, წიგნი რეალურ ფაქტებზეა აგებული, რომლებიც მას და მის მეგობრებს გადახდათ თავს. 34 წლის ფეხბურთელის პირველი წიგნს "ფრენკი ყაჩაღი პირატების წინაღმდეგ", მკითხველი ივნისში იხილავს, მას მოჰყვება კიდევ ორი წიგნი, რომელიც მიმდინარე წლის ბოლოს გამოიცემა, ხოლო მომდევნო ორი – 2014 წელს. კონტრაქტი მოამზადეს ლიტერატურულმა აგენტებმა ნილ ბლერმა და ზოი კინგმა, რომლებიც ასევე მწერალს ჯოან როულინგს („ჰარი პოტერი“) წარმოადგენენ. მათი სიტყვებით, ლემპარდის წიგნში ბევრი სახლისო თავგადასავალი და სასაცილო პერსონაჟი იქნება. bbc