ზუგდიდის არტ-გალერეაში ახალგაზრდა მხატვრის, გიორგი როგავას ნახატები გამოიფინა. ახალგაზრდა შემოქმედის ნამუშევრებში შავ-თეთრ კომპოზიციაში იყო წარმოდგენილი.როგორც თავად ხსნის მის შემოქმედებაში რელიგია, თავისუფლების თემატიკა და პორტრეტები სჭარბობს ასევე ქმნის გრაფიკულ ნამუშევრებსაც. „თითოეული ნახატი ჩემი ავტოპორტრეტია. ასე ვფიქრობ. ძირითადად ნაცრისფერებში ვხატავ. უმეტეს მათგანში სევდა ჩანს, რადგან მაშინ ვმუშაობ, როცა შესაბამის განწყობაზე ვარ. ვხატავ იმას, რასაც ვერ გადმოვცემ სიტყვებით“, - განმარტა ახალგაზრდა მხატვარმა. სახის გარეშე, რელიგიურ თემატიკაზე შექმნილ პორტრეტებს შემოქმედი ასე ხსნის: „მაქვს ქრისტეზე ნამუშევარი. დავხატე ღმერთი ღმრთისმშობელთან ერთად. მათ გამოსახულებებზე სახე არ ჩანს, ეს საგანგებოდ, რადგან მე არ შემიძლია გამოვსახაო ის, რაც ჩვენ არ ვიცით“, - აღნიშნა მხატვარმა. ახალგაზრდა მხატვრისთვის, რომელიც სამი წელია შემოქმედებითი საქმიანობითაა დაკავებული ეს პირველი პერსონალური გამოფენაა.