ზუგდიდის მუნიციპალიტეტს საკუთარი დროშა და გერბი ექნება. ზუგდიდის საკრებულომ საქართველოს პარლამენტთან არსებული ჰერალდიკის სახელმწიფო საბჭოსთან შეთანხმებით, ზუგდიდის გერბი და დროშა გაუსლი წლის აგვისტოში დაამტკიცა, თუმცა დღემდე მისი დამზადება ვერ მოხერხდა.

„ზუგდიდის დროშა და გერბი პირველად მზადდება. ეს დიდ თანხებთან არის დაკავშირებული. ჩვენ მანამდეც გვქონდა ტენდერი გამოცხადებული, მაგრამ ჩაგვეშალა“, - უთხრა რადიო „ათინათს“ საკრებულოს კულტურის საკითხთა კომისიის თავმჯდომარემ რევაზ ხაინდრავამ.

ამასთან, როგორც რევაზ ხაინდრავა განმარტავს, საპატიო ზუგდიდელის მინიჭების საკითხიც დღის წესრიგში დგას და ამ საკითხზე ატიურად მუშაობენ.

„დებულებაში ცვლილებები შეგვაქვს და ამის შემდეგ დაიწყება მსჯელობები კომისიებში, საკრებულოსთან არსებულ საზოგადოებრივ დარბაზი, საკერბულოში და ა.შ. ზუგდიდის საპატიო მოქალაქის შერჩევის პროცედურა ჯერ არ დაწყებულა, თუმცა სხვადასხვა სფეროდან კოლექტიური განცხადებები უკვე ორი წელია შემოდის“, - ამბობს რევაზ ხაინდრავა. ზუგდიდის გამგეობამ დროშის, გერბისა და საპატიო მოქალაის ატრიბუტიკის დამზადებისთვის 25 ათას 480 ლარი გამოყო. აღნიშნულთან დაკავშირებით გამოცხადებული ტენდერის ბოლო ვადა, დღეს, 2 დეკემბერს იწურება, თუმცა, ჯერჯერობით, ტენდერში არც ერთ პრედენდენტს მონაწილეობა არ მიუღია.