“საერთაშორისო გამჭვირვალობა-საქართველოს” ზუგდიდის ოფისმა ერთი წლის მუშაობის შედეგები შეაჯამა. ორგანიზაციის წარმომადგენლებმა საჯარო უწყებებთან და სხვა არასათავრობო ორგანიზაციებთან მუშაობის შედეგები დადებითად შეაფასეს და აღნიშნეს, რომ მათი მუშაობის ერთ-ერთი დადებითი შედეგი ის არის, რომ ზუგდიდის თვითმმართველობა უფრო გამჭვირვალე და დემოკრატიული გახდა. ორგანიზაციის წარმომადგენლები განმარტავენ, რომ ისინი ძირითადად სამართლებრივი დახმარებისა და საჯარო უწყებებზე მონიტორინგის კუთხით მუშაობენ. მათივე თქმით, ასევე “საერთაშორისო გამჭვირვალობა-საქართველო” მოქალაქეებს დოკუმენტის მომზადების პროცესში დახმარებას უწევს. ამასთან, ორგანიზაციის წარმომადგენლებმა ერთ-ერთ მნიშვნელოვან პროექტად - „საზოგადოების ჩართულობა დემოკრატიული თვითმმართველობისთვის“დაასახელეს, რომელსაც ასოციაცია „ათინათთან“ და „სამართლებრივი კვლევისა და მონიტორინგის ცენტრთან“ ერთად ახორციელებენ. ცნობისვის, “საერთაშორისო გამჭვირვალობა-საქართველოს” ზუგდიდის ოფისი 2012 წლის აგვიტოს თვეში გაიხსნა.