- Error
საზოგადოება
"ადგილობრივი თვითმმართველობის კოდექსის" პროექტი პირველი მოსმენით დღევანდელ პლენარულ სხდომაზე გავა
"ადგილობრივი თვითმმართველობის კოდექსის" პროექტი პირველი მოსმენით დღევანდელ პლენარულ სხდომაზე გავა. ყველა სავალდებულო კომიტეტის დადებითი დასკვნის შემდეგ წამყვანმა - რეგიონული პოლიტიკისა და თვითმმართველობის კომიტეტმა თვითმმართველობის კოდექსის პროექტი უკვე განიხილა.
საპარლამენტო უმრავლესობის თქმით, პლენარული სხდომისთვის თვითმმართველობის კოდექსის პროექტი მზად არის.
ცვლილების თანახმად, არსებულ 5 თვითმმართველ ქალაქს დაემატება დღევანდელი სამხარეო ცენტრების კიდევ 7 ქალაქი და სულ 12 თვითმმართველი ქალაქი იქნება, სადაც მერები პირდაპირი წესით აირჩევიან.
როგორც უმრავლესობაში აცხადებენ, არ არის გამორიცხული, კანონში ამ ქალაქების ჩამონათვალი არ იყოს ჩაწერილი, მაგრამ თვითმმართველი ქალაქების რაოდენობის გაზრდის გადაწყვეტილება მიღებულია.
დეპუტატ გია ჟორჟოლიანის აზრით, ეს 7 ქალაქი არჩევნებამდე უნდა გამოიყოს და იქ არჩევნები ცალკე უნდა ჩატარდეს. როგორც ჟორჟოლიანი აცხადებს, დარჩენილი ტერიტორიები როგორ დაიყოფა, ეს განსაზღვრულია იმ წესით, რომელიც გარდამავალ დებულებებშია წარმოდგენილი, მაგრამ ეს წესი მნიშვნელოვნად არ განსხვავდება იმისგან, რაც დღეს მოქმედებს.
ამასთან, მიღებულია გადაწყვეტილება, რომ რეგიონული კოლეგიური ორგანოების ნაცვლად საკონსულტაციო ფუნქციების საბჭოები შეიქმნება, რომლის შემადგენლობაში პოლიტიკური წარმომადგენლობის ნაცვლად არჩეული მერები, საკრებულოს თავმჯდომარეები და მათი მოადგილეები იქნებიან.
საკონსულტაციო საბჭოების წევრები მონაწილეობას მიიღებენ კონსულტაციებში, განხილვებში, მუნიციპალიტეტთაშორისი საკითხებისა და პროექტების განხილვაში. მათ არ ექნებათ ის უფლებამოსილებები, რაც ადრე იყო კანონპროექტში წარმოდგენილი, მათ შორის გუბერნატორის გადაყენების უფლებამოსილება, ანუ მას წმინდა საკონსულტაციო ფუნქცია ექნება.
ამასთან, მიღებულია გადაწყვეტილება, რომ სოფლის საზოგადოებრივი თვითმმართველობებისა და საუბნო საზოგადოებრივი თვითმმართველობების შესახებ ცალკე კანონი მომზადდეს, მოსახლეობასთან უფრო დეტალური და ინტენსიური მუშაობისა და კონსულტაციების შედეგად. გარდამავალ დებულებაში შეიძლება ჩაიწეროს, რომ რეგიონული პოლიტიკისა და თვითმმართველობის კომიტეტი აიღებს ვალდებულებას, რომ კომიტეტი მომავალი წლის ბოლომდე ამ კანონპროექტს პარლამენტში წარადგენს.
"ipn"
დაფინანსებული
ქეა კავკასიას პროექტი ,,ფერმერთა საველე და ბიზნეს სკოლა“(FFBS) მიზნად ისახავდა მცირე და საშუალო მეწარმეების შემოსავლის, მოგებისა და მედეგობის გაზრდას, გენდერულად ტრანსფორმაციული და კლიმატ-გონივრული სოფლის მეურნეობის მხარდაჭერით.
ზუგდიდის მუნიციპალიტეტში სხვადასხვა ინფრასტრუქტურული პროექტის განხორციელება აქტიურად მიმდინარეობს.
ზუგდიდის მუნიციპალიტეტში საბავშვო ბაღების მშენებლობა-რეაბილიტაცია აქტიურად მიმდინარეობს.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მთავარი საინფორმაციო გამოშვება
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები