ზუგდიდის გამგეობის სააქტო დარბაზში დღეს, 25 დეკემბერს  პროექტ “საზოგადოების ჩართულობა დემოკრატიული თვითმმართველობისათვის” ფარგლებში  მუნიციპალიტეტის ტერიტორიულ ერთეულებში გამართული შეხვედრების შუალედური ანაგრიში წარმოადგინეს. ანგარიშში წარმოდგენილი იყო ზუგდიდის მუნიციპალიტეტის თხუთმეტ სოფელში გამოვლენილი პრობლემები და მოსახლეობის საჭიროებები. კოალიციურ პროექტს ასოციაცია „ათინათი“, “საერთაშორისო გამჭვირვალობა - საქართველოს” ზუგდიდის ოფისი  და “სამოქალაქო მონიტორინგისა და კვლევების ცენტრი” ახორციელებს. ანაგრიშის პრეზენტაციას  ზუგდიდის გამგეობისა და არასამთავრობო ორგანიზაციის წარმომადგენლები დაესწრნენ. ზემოაღნიშნული ანგარიშის თანახმად, ზუგდიდის მუნიციპალიტეტის სოფლის მოსახლეობას ძირითადად ინფრასტრუქტურული და სოციალური საკითხები აწუხებთ. კერძოდ, ყველაზე მწვავედ დგას სანიაღვრე არხებთან, გზების რეაბილიტაციასან და საბავშვო ბაღის მშენებლობასთან დაკავშირებული პრობლემები. „ჩვენი რეკომენდაციაა ის, რომ ამ პროექტების ჩამონთვალი, რომელიც დღეს წარმოვადგინეთ,  გათვალისწინებული იყის 2014 წლის ბიუჯეტში. ასევე, როცა მუნიციპალიტეტი გეგმავს გარკვეული ხარჯების გაწვევას გაითვალისწინონ ანგარიშში ასახული პრობლემები“, - ამბობს არჩილ თოდუა. ზუგდიდის მუნიციპალიტეტის გამგებლის მოადგილის მოვალეობის შემსრულებლის გიორგი თოდუას განცხადებით, იმ ინფრასტრუქტურული  პრობლემების ნაწილი რომელიც ანგარიშშია ასახული 2014 წ წლებში მოგვარდება, ნაწილი კი მოდევნო საბიუჯეტო წლებში. ცნობისთვის, პროექტის „საზოგადოების ჩართულობა დემოკრატიული თვითმმართველობისათვის“ ფარგლებში პერიოდულად იმართება შეხვედრები ზუგდიდის მუნიციპალიტეტის სოფლების მოსახლეობასთან. შეხვედრაზე მიმოიხილება ადგილობრივი თვითმმართველობის, მოქალაქეთა ჩართულობისა და თვითმმართველობის დაგეგმილი რეფორმის ძირითადი საკითხები. ასევე, ხდება კონკრეტულ თემში არსებული პრობლემების მოკვლევა, რაც გათვალისწინებულ იქნება ზუგდიდის მუნიციპალიტეტის გამგეობის, საკრებულოსა და სხვა უწყებებისათვის შესათავაზებელ რეკომენდაციებში. კოალიციური პროექტი „ევრაზიის თანამშრომლობის ფონდის“ მხარდაჭერით ხორციელდება.