2013 წლის 1-ელი იანვრიდან 31 დეკემბრამდე ივანიშვილის დეკლარირებულმა შემოსავალმა 56 120.00 დოლარი და 79 710 022 ლარი შეადგინა 2013 წელს ბიძინა ივანიშვილმა ფიზიკურ პირებზე 178 000 აშშ დოლარის, 11 500 ევროსა და 787 268 ლარის დახმარება გასცა. "ინტერპრესნიუსის" ეკონომიკური დამატების bpn.ge- ს ინფორმაციით, ბიძინა ივანიშვილის ყველაზე დიდი რაოდენობით ერთჯერადად გაცემული დახმარება დოლარში 56 500 აშშ დოლარს შეადგენდა, ხოლო ლარში - 116 250 ლარს. ექსპრემიერმა გასულ წელს 15 609 470 ლარის შემოწირულობა გასცა. შედარებისათვის, 2012 წელს წარდგენილ დეკლარაციაში ბიძინა ივანიშვილმა მოახდინა 21 467 040 ლარის შემოწირულების, როგორც გასავლის დეკლარირება, ხოლო ფიზიკურ პირებზე გაცემულმა დახმარებამ 603 697 ლარი შეადგინა. როგორც ივანიშვილის დეკლარაციაშია მითითებული, შარშან მილიარდერის მიერ მომსახურების ღირებულებაზე დახარჯულმა თანხებმა 74 147 ლარი და 36 048 ევრო შეადგინა. გარდა ამისა, შარშან, ყოფილმა პრემიერმა 89 176 ლარი დახარჯა საინფორმაციო მომსახურებაზე, 296 000 ევრო - სატრანსპორტო მომსახურებაზე, 124 201 ლარი - კომუნალურ მომსახურებაზე, 84 779 ლარი - იურიდიულ მომსახურებაზე, 2 971 233 - საგადასახადო ვალდებულებების შესრულებაზე, ხოლო გადახდილ ჯარიმაზე - 48 400 000 აშშ დოლარი.