მსოფლიო ბაზარზე ნავთობის ფასი დღეს მკვეთრად შემცირდა. Brent Crude Oil -ის ტიპის საწვავზე თებერვლის ფიუჩერსების ღირებულება ბარელზე 0.16 დოლარით, 106,73 დოლარამდე დაეცა, ხოლო WTI -ზე - 0,53 დოლარით მოიკლო და 93,43 დოლარზე შეჩერდა. ”შავი ოქროს” გაიაფება ლიბიაში ნავთობის გაზრდილ მოპოვებას მოჰყვა, მთავრობის ძალისხმევით, ქვეყანამ როგორც იქნა, დაძლია Sharara-ს საბადოს ხუთთვიანი ბლოკადა. ოფიციალური მონაცემებით, გუშინ ლიბიამ 207 ათასი ბარელი საწვავი მოიპოვა, მაშინ როცა შაბათს მხოლოდ 60 ათასი ბარელით შემოიფარგლებოდა. თუმცა, ექსპერტების ნაწილი მიიჩნევს, რომ ლიბიაში გაზრდილი მოპოვება იძულებულს გახდის ”ოპეკის” ქვეყნებს, წარმოება შეამცირონ და ნავთობზე ამ ფორმით შეინარჩუნონ მაღალი ფასები. ტრეიდერები ასევე სკეპტიკურად უყურებენ აშშ-ის ნავთობის მარაგების შესახებ გავრცელებულ ინფორმაციას, რომელიც 2013 წლის ბოლო რამდენიმე კვირაში ნეგატიურ დინამიკას აჩვენებს. "bpn"