ნატო-ს სამეკავშირეო ოფისის ხელმძღვანელი უილიამ ლაჰიუ საზოგადოებას და ჟურნალისტებს მოუწოდებს, სამხედროების მოქმედებებთან დაკავშირებით , რომელიც სოციალურ ქსელში გუშინ გავრცელებულ მასალაშია ასახული, წინასწარ დასკვნებს ნუ გააკეთებენ, - ამის შესახებ უილიამ ლაჰიუმ ჟურნალისტებს განუცხადა. "რაც შეეხება გუშინ გავრცელებულ ვიდეომასალას, ჩვენი ოფისი ამ ყველაფერზე საქმის კურსშია. მინდა, ჟურნალისტებს მოგიწოდოთ, თავი შეიკავოთ წინასწარი შეფასებებისგან, რადგან ეს არის სამხედრო სტრუქტურა, რომელიც ძალიან მკაცრი კანონზომიერებით ფუნქციონირებს. ამიტომ აუცილებელია, წინასწარი დასკვნები არ გავაკეთოთ, მოქმედება თუ არა სამხედრო პერსონალი არალეგიტიმურად ან რომელიმე კანონის დარღვევით", - განაცხადა ლაჰიუმ დღეს, საქართველოს თავდაცვის სამინისტროში გამართულ პრესკონფერენციაეზე. მისი თქმით, მუხროვანის აჯანყებასთან ნატო-ს სამეკავშოირეო ოფისს კონკრეტული ინფორმაცია ჰქონდა, მაგრამ ეს ძალიან სენსიტიური საკითხია, რომელზე კომენტარის გაკეთებაც არ სურს.