საქართველოს ჯანდაცვის მინისტრის მოადგილემ, მარიამ ჯაშმა დღეს პრესკონფერენცია გამართა და C ჰეპატიტის სამკურნალო მედიკამენტებზე შეღავათით სარგებლობის წესი განმარტა. C ჰეპატიტის სამკურნალო მედიკამენტების ფასდაკლებით შესაძენად, რეგისტრაცია ხვალიდან დაიწყება. «C ჰეპატიტის პროგრამა» სამოქალაქო სექტორისთვის გულისხმობს C ჰეპატიტის სამკურნალო მედიკამენტებზე ფასდაკლების გავრცელებას. კერძოდ ერთი ამპულა პეგილირებული ინტერფერონისა და ერთი კოლოფი რიბავირინის ღირებულება განისაზღვრება 92,88 აშშ დოლარის ექვივალენტით ლარში, რაც 60 % -ით ნაკლებია არსებულ საბაზრო ფასთან მიმართებაში. მიუხედავად უქმე დღეებისა, ჯანდაცცვის სამინისტროს მოქალაქეთა მისაღები და მომსახურების სააგენტოს ოფისები ხვალ იმუშავებენ საგანგებო რეჟიმში და პირველი თებერვლიდან შეგვეძლება განცხადებების მიღება», — განაცხადა მინისტრის მოადგილემ. მარიამ ჯაშის ინფორმაციით, განცხადებას თან უნდა ახლდეს პირადობის დამადასტურებელი მოწმობა, ფორმა #IV-100/ა, სადაც დიაგნოზი იქნება დადასტურებული და რომელიც უნდა მოიცავდეს ინფორმაციას ჩატარებული კვლევების, მათი შედეგების და მკურნალობის კურსის ხანგრძლივობის შესახებ. კვლევებში იგულისხმება HCV RNM-ის თვისობრივი, HCV გენეტიკური ტიპის, ღვიძლის ფიბროზის ხარისხის კვლევები. ფასდაკლებით სარგებლობა შეუძლიათ ჩ ჰეპატიტით დაავადებულ საქართველოს მოქალაქეებს, საქართველოში სტატუსის მქონე მოქალაქეობის არმქონე პირებს, პირადობის ნეიტრალური მოწმობის, ნეიტრალური სამგზავრო დოკუმენტის მქონე პირებს, ლტოლვილის ან ჰუმანიტარული სტატუსის მქონე პირებს. ფასდაკლებით ვერ ისარგებლებენ საპატიმროებში მყოფი პირები, აივ ინფექცია / შიდსით ინფიცირებული პირები და პაციენტები დიაგნოზებით, რომელთა დროსაც C ჰეპატიტის მართვის გაიდალინის შესაბამისად მკურნალობა უკუნაჩვენებია. მოქალაქეთა განცხადებებს კომისია განიხილავს. კომისიის პირველის სხდომა თებერვლის ბოლოს გაიმართება. პაციენტმა თანხმობის წერილის მიღებიდან შვი დღის ვადაში უნდა მიმართოს აფთიაქს მედიკამენტის მისაღებად მედიკამენტების ფასდაკლებით შესყიდვა შესაძლებელი 2014 წლის პირველი ივლისიდან იქნება.