საქართველოს მთავრობა დღეს მიმდინარე სხდომაზე შრომის, ჯანმრთელობისა და სოციალური დაცვის სამინისტროს ახალ პროგრამას დაამტკიცებს, რომელიც სხვადასხვა სამედიცინო დაწესებულებისათვის დაფინანსების 2 მილიონ ლარამდე გაზრდას ითვალსიწინებს. ამის შესახებ ჯანდაცვის მინისტრმა დავით სერგეენკომ მთავრობის სხდომის დაწყებამდე განცხადა. მისი განმარტებით, პროექტი მაღალმთიანი და რთული რაიონების სამედიცინო დაწესებულებების დაფინანსების გაზრდას გულისხმობს. „ჩვენი ვალდებულებაა, ამ რაიონებში სამედიცინო მომსახურება გავაუმჯობესოთ“, _ აღნიშნა დავით სერგეენკომ. მისი ინფორმაციით, ამავე პროექტის ფარგლებში ტუბერკულოზით დაავადებულ პირთა სამკურნალოდ ახალი შენობისათვის თანხა გამოიყოფა. დავით სერგეენკოს თქმითვე, დაპირებისამებრ, ფეხმძიმეთათვის ვიტამინებისა და სხვადასხვა შესაბამისი პრეპარატის დარიგება დაიწყება.