დიპლომატი საქართველოს მეუღლესთან, მერი ჰარტნეტთან ერთად ეწვია. რიჩარდ ნორლანდს თბილისის საერთაშორისო აეროპორტში აშშ-ის ელჩის მოვალეობის შემსრულებელი ბრიჯიტ ბრინკი და აშშ-ის საელჩოს წარმომადგენლები დახვდნენ. როგორც რიჩარდ ნორლანდმა ჟურნალისტებს განუცხადა, მოხარულია, რომ კვლავ ესტუმრა საქართველოს. "სასიამოვნოა, რომ ისევ ვიმყოფები საქართველოში, ქვეყანაში, სადაც მე ძალიან დიდ სითბოს ვგრძნობდი 1993 წელს სამსახურის დროს. ველი იმ შესაძლებლობას, რომ გავაგრძელო საქართველოსა და აშშ-ს შორის მტკიცე ურთიერთობების აგება. ვიცი, რომ 1993 წლის შემდეგ ამ ქვეყანაში ბევრი რამ შეიცვალა. ელჩად მუშაობისას ჩემი პირველი ამოცანა იქნება, უკეთ გავერკვე მნიშვნელოვან ცვლილებებში, შევხვდე პოლიტიკის, ბიზნესის, სამოქალაქო საზოგადოების მაქსიმალურად ბევრ წარმომადგენელს, ასევე მოვისმინო დიდი რაოდენობა შეხედულებებისა იმის შესახებ, რა ხდება ამ დინამიურად განვითარებად საზოგადოებაში", - განაცხადა რიჩარდ ნორლანდმა. ახალი ელჩის თქმით, დამოუკიდებლობის მოპოვების პირველი დღეების შემდეგ საქართველომ დემოკრატიული ინსტიტუტების აგების თვალსაზრისით მნიშვნელოვანი ნაბიჯები გადადგა. ახალი ელჩი პრეზიდენტ სააკაშვილსს რწმუნებათა სიგელს გადასცემს და მონაწილეობას მიიღებს დაგეგმილ ამბასადორიალშიც. რიჩარდ ნორლანდი, რომელიც 32 წელის დიპლომატიურ სამსახურშია, საქართველოში აშშ-ის მეშვიდე ელჩია.