საქართველოს კათოლიკოს–პატრიარქის ლოცვა კურთხევით, წმინდა ცეცხლის ჩამოსატანად გამთენიიისას იერუსალიმში 140-კაციანი ჯგუფი გაემგზავრა. მომლოცველთა ჯგუფს ბოლნისის მთავარეპისკოპოსი მეუფე ეფრემი ხელმძღვანელობს. ,,ბრწყინვალე დღესასწაულთან დაკავშირებით მისი უწმინდესობისა და უნეტარესობის, ილია მეორეს ლოცვა კურთხევით მომლოცველთა ჯგუფი სასულიერო პირებისა და მრევლის შემადგენლობით, მიემგზავრება წმინდა მიწაზე, იერუსალიმში, რათა მონაწილე გავხდეთ იმ უდიდესი დღესასწაულებისა, რომელიც უკავშირდება მაცხოვრის ვნებას, ჯვარცმას დ მის ბრწყინვალე აღდგომას“, _ განაცხადა მეუფე ეფრემმა. ყოველი წლის აღდგომის წინადღეს დიდ შაბათს,მაცხოვრის საფლავზე მადლმოსილი ცეცხლი გადმოდის. მოციქულთა და წმინდა მამათა მოწმობით, უნივთო ცეცხლმა ჯერ კიდევ აღდგომისას გააბრწყინა მაცხოვრის საფლავი. ზეციური ცეცხლი იერუსალიმის აღდგომის ტაძარში პირველად III საუკუნეში გადმოსულა.