დათა ახალაიას ადვოკატი  ირაკლი ზაქარეიშვილი საბერძნეთში გაემგზავრა. დაკავებული დათა ახალაიას ექსტრადირების საკითხის გადაწყვეტის მიზნით , საბერძნეთში სასამართლო პროცესი რამდენიმე დღეში უნდა გაიმართოს, რომელსაც ირაკლი ზაქარეიშვილიც დაესწრება. ადვოკატის განცხადებით, დაცვის მხარეს აქვს მტკიცებულებები, რათა დაასაბუთოს, თუ რატომ არ უნდა განხორციელდეს საქართველოში დათა ახალაიას ექსტრადირება. "საქართველოში ხორციელდება მისი პოლიტიკური დევნა. პოლიკურად იდევნებიან მისი ოჯახის წევრებიც. ჩვენ გაგვაჩნია ყველა არგუმენტაცია და მტკიცებულება საიმისოდ, რათა საბერძნეთის ხელისუფლებას, დავუმტკიცოთ და წარმოვაჩინოთ, თუ რატომ არ უნდა მოხდეს დავით ახალაიას საქართველოში ექსტრადირება. შევეცდებით, პროკურატურას იქ გავაგებინოთ ის, რასაც აქ ვერ იგებენ", - განაცხადა ირაკლი ზაქარეიშვილმა საბერძნეთში გამგზავრებამდე. ამასთან, ვრცელდება ინფორმაცია, რომ საბრძნეთში იმყოფება დათა ახალიას მამა, დეპუტატი როლანდ ახალაიაც. დათა ახალაია საბერძნეთში ყალბი დოკუმენტებით  დააკავეს. ბერძნული მედიის ცნობით, ახალაია ყალბი დოკუმენტებით, სხვა სახელითა და გვარით იტალიაში გადასვლას ცდილობდა.