გარემოს ეროვნული სააგენტოს ინფორმაციით, ხვალ და ზეგ საქართველოს ზოგიერთ რეგიონში მოსალოდნელია ხანმოკლე წვიმა ელჭექით. აღმოსავლეთ საქართველოში ზოგან სეტყვაც არის ნავარაუდევი. ხვალ დასავლეთ საქართველოში იქროლებს აღმოსავლეთის ქარი 10–15 მეტრი/წამში. ბარში 25–30 გრადუსი სითბო იქნება, მთაში 24–28, მაღალ მთაში კი 20–25. აღმოსავლეთ საქართველოშიც დაუბერავს აღმოსავლეთის ქარი 10–15 მეტრი/წამში. ბარში ჰაერი 25–30 გრადუსამდე გათბება, მთაში 21–26, ხოლო მაღალ მთაში 15–20 გრადუსამდე. ზეგ, საქართველოს უმეტეს რეგიონში დაუბერავს დასავლეთის ქარი 10–15 მეტრი/წამში. დასავლეთ საქართველოს დაბლობში და მთაში 22–27 გრადუსი სითბო იქნება, მაღალ მთაში კი 19–24. აღმოსავლეთ საქართველოს ბარში ტემპერატურა 24–29 გრადუსს მიაღწევს, მთაში 21–26, მაღალ მთაში კი 23–27 გრადუსს. მომდევნო ორი დღის განმავლობაში სინოპტიკოსები თბილისშიც პროგნოზირებენ მცირე, ხანმოკლე წვიმას ელჭექით. ხვალ დაუბერავს სამხრეთ–აღმოსავლეთის ქარი 8–13 მეტრი/წამში, ზეგ კი ჩრდილო–დასავლეთის 10–15 მეტრ/წამი სიჩქარის ქარი. ჰაერი 28 გრადუსამდე გათბება.