ინფრასტრუქტურის განვითარების სააგენტომ 46 000 ცალ Netbook-ზე ტენდერი უკვე გამოაცხადა. სახელმწიფო ბიუჯეტიდან პირველკლასელთა პორტატული კომპიუტერებისთვის 20 მილიონ 608 ათასი ლარია გამოყოფილი.  Netbook-ში სამინისტროს 448 ლარის გადახდა აქვს განსაზღვრული. წინადადებების მიღება 30 მაისიდან დაიწყება, საბოლოო ვადა კი 4 ივნისია. ტენდერში გამარჯვებულმა კომპანიამ სამინისტროს ბუკები ხელშეკრულების გაფორმებიდან არაუგვიანეს 60 დღის ვადაში უნდა მიაწოდოს.  სავალდებულო პირობებში მითითებულია, რომ ნეტბუკს უნდა ჰქონდეს 1 წლიანი გარანტია. წონა არ უნდა აღემატებოდეს ერთ კილოს და 550 გრამს. მოთხოვნილი ფერი კი უცვლელი - ცისფერი რჩება.  რაც შეეხება მიწოდების პირობებსა და ვადებს - ტენდერში გამარჯვებულმა კომპანიამ შესყიდვის ობიექტის მიწოდება თბილისში ეტაპობრივად უნდა განახორციელოს, ხოლო საბოლოო მიწოდების ვადა არ უნდა აღემატებოდეს ხელშეკრულების გაფორმებიდან 60 კალენდარულ დღეს. კონკურენციისა და სახელმწიფო შესყიდვების სააგენტოს მონაცემებით, გასულ წელს სახელმწიფომ 35 ათასი ბუკი შეუკვეთა. აღნიშნულ მომსახურებაში კი 14 მილიონ 890 580 ლარი გადაიხადა. თითოეული კომპიუტერი 426 ლარი დაჯდა. კონკურენციისა და სახელმწიფო შესყიდვების სააგენტოს მონაცემებით, გასულ წელს სახელმწიფომ 35 ათასი ბუკი შეუკვეთა. აღნიშნულ მომსახურებაში კი 14 მილიონ 890 580 ლარი გადაიხადა. თითო კომპიუტერი 426 ლარი დაჯდა.  საგანმანათლებლო და სამეცნიერო ინფრასტრუქტურის განვითარების სააგენტოს მოთხოვნებში აღნიშნული იყო, რომ ბუკები წყალგაუმტარი, დაცემის დროს დაზიანებისგან დაცული უნდა ყოფილიყო. ფერი აუცილებლად ცისფერი და წონა მაქსიმუმ კილონახევარი. პატარებისთვის მერხებზე დახვედრებული პირველი საჩუქარი სკოლაში სიარულის ერთგვარ სტიმულადაც იქცა. თუმცა არც თუ ისე იშვიათია შემთხვევა, როდესაც მშობლები ბუკების ხარისხზე უკმაყოფილებას გამოთქვამენ. ინფორმაციას  Aris.ge-განათლება ავრცელებს.