ბიძინა ივანიშვილისა და ბიზნესმენების შეხვედრა დასრულდა. კოალიცია "ქართული ოცნების" ლიდერი ბიძინა ივანიშვილი მზადაა, ბიზნესმენებს პირადი კაპიტალითაც დაეხმაროს. ამის შესახებ ივანიშვილმა სასტუმრო "ქორთიარდ მარიოტში" ბიზნესმენებთან შეხვედრისას განაცხადა. "სადაც დავინახავ და დავრწმნუნდები, რომ პერსპექტივაა, პირადი კაპიტალითაც დაგეხმარებით. ახლა ყველას არ გიცნობთ, მაგრამ, ჩვენ გაცნობისა და საუბრისთვის დრო გვექნება", - მიმართა ბიზნესმენებს ივანიშვილმა. ამასთან, მან ყურადღება გაამახვილა იმაზე, რომ ქვეყანში ეკონომიკის განვითარებისა და ბიზნესის ხელშეწყობისთვის უმთავრესი, სამართლიანობის განცდის აღდგენაა. "ვერ ვისაუბრებ იმაზე, თუ როგორი მომავალი უნდა ავაშენოთ. ჩვენ უნდა აღვადგინოთ სამართლიანობის განცდა ქვეყანაში, აღდგეს საარბირტრაჟო სასამართლო. პოლიცია და პროკურატურა ხალხის სამსახურში ჩადგეს, მედია და ბიზნესი კი ქვეყნის ხელისუფლების ჩარევისგან განთავისუფლდეს. ესაა მთავარი, რათა აღორძინდეს ქვეყანა, ჩვენ უკვე დავინახეთ, რომ რეალური სამუშაო ადგილების შექმნა დასაქმების სამინიტროს არ შეუძლია და ეს ბიზნესმა უნდა გააკეთოს", - განაცხადა ივანიშვილმა და დაძინა, რომ კოალიცია ყველაფერს გააკეთებს იმისთვის, რომ კერძო ქონების ხელყოფა არ მოხდეს. შეხვედრიდან გამოსული ბიზნესმენები აცხადებდნენ, რომ ივანიშვილთან შეხვედრა, მისი პროგრამა ეკონომიკისა და ბიზნესის განვითარებასთან დაკავშირებით საინტერესოა. დღევანდელ შეხვედრაში 100-ზე მეტი ბიზნესმენი მონაწილეობდა, მათ შორის - "ვისოლის", "ბორჯომის", "იუჯისის", "ოლიმპიური ვარსკვლავის", "საქართველოს ბანკის" "რიკო კრედიტის", "ბანკი რესპუბლიკის", "თიბისი ბანკის", "ჯიემსი ჯგუფის", "ავერსის", კომპანია "ბაგრატიონის 1882"-ის, "ჯეოსელის", "ლილო მოლის", "გალფის" ხელმძღვანელი პირები და სხვები. ასევე, "ქორთიარდ მარიოტში" იმყოფებონენ უცხოელი ბიზნესმენებიც, რომლებიც საქართველოში საქმიანობენ. სულ შეხვედრას კერძო სექტორის 100-ზე მეტი წარმომადგენელი ესწრება. რამდენიმე მათგანმა, შეხვედრაზე მისულ პირთა სიმრავლის გამო, შეხვედრის ოთახში შესვლაც ვერ მოახერხა.