ამერიკული გამოცემა ”ფორბსის” დანამატი ForbesLife იმ 9 საუკეთესო ღვინოს ასახელებს, რომელთა დალევასაც 2015 წელს საკუთარ მკითხველს ურჩევს. ForbesLife-ის ჩამონათვალში სხვადასხვა ქვეყნის ღვინოებთან ერთად, ქართული ღვინოც მოხვდა. როგორც სტატიაშია აღნიშნული, ნაპოვნი სამხილები ცხადყოფს, რომ საქართველოში ღვინოს იმაზე დიდი ხნის წინ - დაახლოებით 8 ათასი წლის წინ - ამზადებდნენ, ვიდრე სხვა რომელიმე ქვეყანაში. ნიუ-იორკელი ღვინის ჟურნალისტი და მწერალი ქალი, ელის ფეირინგი მკითხველს ურჩევს, 2012 და 2013 წლის მოსავლის ქართული ღვინოები დააგემოვნონ. ”ფორთოხლისფერი ღვინო საქართველოში ძალიან პოპულარული მეთოდია და თუ მსგავსი ღვინო არასდროს გაგისინჯავთ, საქართველო იდეალური ქვეყანაა, პირველად დააგემოვნოთ ეს ღვინო. ფორთოხლისფერ ღვინოს ზოგჯერ შესაძლოა, ტანინი ჰქონდეს შერეული და მშრალი იყოს, მაგრამ მას აქვს წვენიანობა და ხილისა და სტრუქტურის შესანიშნავი ბალანსი. დახუჭეთ თვალები, წარმოიდგინეთ, რომ წითელ ღვინოს სვამთ და თქვენ აუცილებლად მოგეწონებათ ის”, - აღნიშნავს ელის ფეირინგი.