რუსეთის ფედერაციის საბჭოს კონსტიტუციური კანონმდებლობის, სამართლებრივი და სასამართლო საკითხების კომიტეტმა, ზედა პალატას რეკომენდაცია მისცა „ანტიმაგნისტსკის კანონის“ დასამტკიცებლად, რომელიც ამერიკაში რუსეთიდან ბავშვების გაშვილებას კრძალავს. აღნიშნულ საკითხს ფედერაციის კომიტეტი ხვალ განიხილავს. გასულ პარასკევს რუსეთის სათათბირომ მესამე მოსმენით მიიღო „ანტიმაგნიტსკის" კანონპროექტი, რომელიც უცხოელებთან მიმართებაში სხვადასხვა ზომების შემოღებას გულისხმობს და მათ შორის არის აშშ-ში ბავშვების გაშვილების აკრძალვა. ედინოროსებმა მიღებულ დოკუმენტს, რუსეთიდან აშშ–ში გაშვილებული და იქ დაღუპული ბავშვის ხსოვნის პატივსაცემად „დიმა იაკოვლევის კანონი“ უწოდეს. კანონპროექტი წარმოადგენს პასუხს აშშ–ს სენატის მიერ მიღებულ „მაგნისტკის აქტზე“,  რომელიც სავიზო შეზღუდვების გარდა ფინანსურ სანქციებს ითვალისწინებს იმ რუსი ჩინოვნიკების წინააღმდეგ, რომლებიც როგორც ვაშინგტონში მიიჩნევენ, კავშირში არიან საგამოძიებო იზოლატორში ფონდ Hermitage Capital-ის იურისტის დაღუპვასთან.   BBC