იანვრის თვეში მსოფლიოში ერთ-ერთ ყველაზე მხცოვან ადამიანს 109 წელი შეუსრულდა. ადგილობრივმა ჟურნალისტებმა მოხუც ქალბატონთან ინტერვიუ ჩაწერეს.  მიუხედავად ასაკისა, ის მშვენივრად გამოიყურება, ყოველდღიურად მისდევს სპორტს და მხოლოდ ჯანმრთელი პროდუქტით იკვებება.

თუმცა, 109 წლის ჯესი გალენი აცხადებს, რომ მისი ხანგრძლივი ცხოვრების საიდუმლო რეალურად სულ სხვა რამეა.

"უმთავრესი მაინც ის არის, რომ კაცებისაგან თავი შორს დაიჭიროთ. მათზე იმაზე მეტი ენერგიის დახარჯვა მოგიწევთ, ვიდრე იმსახურებენ," - აცხადებს ჯესი, რომელიც ქორწინებაში არასოდეს ყოფილა.

"ამას გარდა, ჩემი ყოველი დილა ერთი ულუფა ფაფით იწყება და სპორტს ყოველდღიურად ვუთმობ გარკვეულ დროს. მე მთელი ცხოვრება ვმუშაობდი და ძალიან იშვიათად ვიღებდი შვებულებას," - განაცხადა პენსიონერმა.

ჯესი მშობლების სახლიდან 13 წლის ასაკში წამოვიდა და დამოუკიდებლად ცხოვრება დაიწყო. თავდაპირველად ის ფერმაში ძროხების წველით ირჩენდა თავს. მოგვიანებით სასტუმროში დაიწყო მუშაობა. მისი თქმით სასტუმრო იმდენად პრესტიჟული და კარგი რეპუტაციის იყო, რომ ერთხელ იქ თავად დედოფალი ელისაბედ II შეჩერდა.