თუ თბილისში 2002 წელს 1 081 679 ადამიანი იყო, 2015 წლის წინასწარი მონაცემებით, დედაქალაქში 1 118 035 ადამიანი ცხოვრობს. მოსახლეობის ყველაზე დიდი, 37.4%-იანი კლება რაჭა-ლეჩხუმში და ქვემო სვანეთში დაფიქსირდა.  მცხეთა-მთიანეთში მოსახლეობის 24.8%-იანი კლება ფიქსირდება. მოსახლეობის ყველაზე ნაკლები, 10.6%-იანი კლება დაფიქსირდა აჭარის ავტონომიურ რესპუბლიკაში. რაც შეეხება ზოგად სტატისტიკას, საქართველოს მოსახლეობა 2002 წლიდან 2015 წლამდე, საქსტატის წინასწარი მონაცემებით 642 000 ადამიანით შემცირდა. თუ 2002 წლის მონაცემებით მოსახლეობა 4 371.5 ათას კაცს შეადგენდა, 2015 წლის 1 იანვრის წინასწარი მონაცემებით 3 729.5 ათას კაცს შეადგენს.