ზუგდიდელ მიხეილ ქირიას, რომელიც  La Scala-ს აკადემიის ბარიტონია კულტურის სამინისტრომ 2012 წელს დაფინანსება შეუწყვიტა. აღნიშნულ საკითხზე ქირიამ პრემიერ-მინისტრს წერილი გაუგზავანა, რომელსაც  ქირია საკუთარი "ფეისბუქის" გვერდზე აქვეყნებს. რადიო "ათინათი"  წერილს უცვლელად გთავაზობთ. "მე გახლავართ მიხეილ ქირია, ბარიტონი, La Scala-ს აკადემიის სტუდენტი. 2011 წლის აგვისტოში La Scala-ს აკადემიამ გამოაცხადა კონკურსი, სადაც მსოფლიოს სხვადასხვა ქვეყნებიდან შერჩეული 180 მომღერალი ვღებულობდით მონაწილეობას. აღსანიშნავია, რომ გამოცდები 3 ტურად, La Scala-ს სცენაზე ტარდებოდა. ჟიურის შემადგენლობაში იყვნენ ისეთი ლეგენდარული საოპერო მუსიკოსები, როგორებოც არიან: რენატო ბრუზონი, მირელა ფრენი, ლუჩანა სერა, ლუიჯი ალვა, ვინჩენცო სკალერა, ჯეიმს ვოუგანი და სხვები. 180 მომღერლიდან მეორე ტურში გადავედით 41, მესამეში 21, ხოლო ჩავირიცხეთ 7 მომღერალი; ბრაზილიელი, რუმინელი, პორტუგალიელი, 3 სამხრეთ კორეელი მე ერთადერთი ქართველი. თითოეული ქართველი ღებულობს დაფინანსებას თავისი ქვეყნიდან თვეში 2000 ევროს ოდენობით, გამონაკლისი მხოლოდ საქართველო გახლავთ. 2011 წლის ოქტომბრიდან საქართველოს კულტურის ძეგლთა დაცვის სამინისტრო მინაზრაურებდა საცხოვრებელ ხარჯს 700 ევროს ოდენობით, რომელიც 2012 წლის დეკემბერში გაურკვეველი მიზეზების გამო შემიწყვიტეს. ჩავთავლე საჭიროდ ჩამეყენეთ საქმის კურსში. პატივისცემით მიშა ქირია".