1993 წლეს 16 მარტს საქართველოს ტერიტორიული მთლიანობისთვის დაღუპულ მებრძოლთა ხსოვნის დღისადმი მიძღვნილი ღონისძიებები თბილისში გაიმართება. ღონისძიებები 12:00 საათზე გმირთა მოედანზე, 13:00 საათზე - ვაშლიჯვრის ძმათა სასაფლაოზე - „გმირთა სავანე“, ხოლო 14:00 საათზე - მერაბ ბერძენიშვილის სახელობის საერთაშორისო ცენტრშია დაგეგმილი. ღონისძიებებში მონაწილეობას მიიღებენ საქართველოს თავდაცვის მინისტრის პირველი მოადგილე ლევან დოლიძე, ასევე თავდაცვის სამინისტროსა და გაერთიანებული შტაბის ხელმძღვანელი პირები, ვეტერანთა საქმეების დეპარტამენტისა და აფხაზეთის უმაღლესი საბჭოს წარმომადგენლები. 1993 წლის 15-16 მარტს სოხუმზე განხორციელებული შეტევა მოწინააღმდეგის მარცხით დასრულდა. სოხუმის დაცვას ადგილობრივი მოსახლეობისგან დაკომპლექტებული 23-ე ბრიგადის 1-ლი, მე-2, მე-3, და მე-6 ბატალიონების 137 ჯარისკაცის სიცოცხლე შეეწირა და 350-მდე დაიჭრა.