საქართველოს კათოლიკოს პატრიარქი  სოხუმში ვიზიტს გეგმავს, რომლის ფარგლებშიც იგი აფხაზეთის ტერიტორიაზე საკუთარ ქორეპისკოპოსს წარადგენს. „ისტორიული კონსტანტინოპლი  აფხაზეთის ტერიტორიაზე საქართველოს ეკლესიის იურისდიქციას აღიარებს და ღვთის წყალობით ეს ყველაფერი მშვიდობიანად გადაწყდება“,– განაცხადა ილია მეორემ წმინდა სამების საკათედრო ტაძარში სტამბულიდან დაბრუნების შემდეგ. პატრიარქის სიტყვებით იგი იმყოფებოდა ისტორიულ კონსტანტინოპოლში,  სადაც ერთობლივი ღვთისმსახურება აღასრულა მსოფლიოს პატრიარქ ბართლომეოს პირველთან ერთად. „ჩვენ გვქონდა შეხვედრა მსოფლიო პატრიარქთან მიმოვიხილეთ  სხვადასხვა საკითხები, რის  შემდგომაც რიგ საკითხებში ერთსულოვნება გამოიკვეთა.  მე მადლობას ვუხდი  მის უწმინდესობას თანადგომისთვის, მან არაერთხელ გაიმეორა რომ კონსტანტინოპოლი აფხაზეთის ტერიტორიაზე საქართველოს კანონიკურ საზღვრებს აღიარებს.“ „ყველა ავტოკეფალური მართმადიდებელი ეკლესიები  და მთელი მსოფლიო აღიარებს აფხაზეთში ქართულ კანონიკურ საზღვრებს. ამიტომ ყველა  პრობლემა, რომელიც  აფხაზეთში დგას, ქართული მართმადიდებლური ეკლესიის მიერ უნდა იქნეს განხილული. ჩვენ მოვილაპარაკეთ, რომ ქართული მხარე მიიღებს ყველა ზომას იმისთვის, რომ სასულიერო პირები  ჩავიდნენ აფხაზეთში, მე ვარ ბიჭვინთისს და ცხუმ– აფხაზეთის მიტროპოლიტი, ამიტომ ჩემი ვიზიტის კიდევ ერთი მიზანი არის, ადგილზე სიტუაციის გაცნობა. მიუხედავად განვითარებული პოლიტიკური პროცესებისა, რუსული მართლმადიდებლური ეკლესია აღიარებს აფხაზეთის ეკლესიას საქართველოს ნაწილად. საეკლესიო პრობლემები კი არის შედეგი, იმ პოლიტიკური პროცესებისა, რაც აფხაზეთში ვითარდება, ჩვენ უნდა გავაკეთოთ ყველაფერი იმისთვის, რომ ეს პოლიტიკური ბრძოლა თუ აზრთა სხვადასხვაობა არ აისახოს საეკლესიო ცხოვრებაში,  პირიქით ეკლეისიამ ყველაფერი უნდა იღონოს იმისთვის, რომ ქვეყანაში სიმშვიდემ დაისადგუროს“–, აღნიშნავს პატრიარქი. http://abkhazeti.info/abkhazia/2013/1369243183.php