განათლების მინისტრის გიორგი მარგველაშვილის განაცხადებით სკოლის დირექტორების ხელფასი 60 ლარით გაიზრდება. როგორც მარგველაშვილმა ჟურნალისტებთან შეხვედრისას განაცხადა , „ დირექტორის მოადგილეებს ქონდათ 335 ლარი, ახლა ექნებათ 400 ლარი. სკოლის ბუღალტერს ჰქონდა - 235 ლარი, ახლა ექნება - 320 და ა.შ. ასევე მარგველაშვილის ინფორმაციით, მინისტრის ბრძანებულებაში შესული ცვლილების შედეგად, სკოლის მასწავლეების შვებულება 40 სამუშაო დღით განისაზღვრა. "2013 წლის ივლისის დასაწყისიდან ყველა მასწავლებელი წინმსწრებით მიიღებს შვებულების თანხას და მათ ექნებათ შესაძლებლობა რომ 2 თვის განმავლობაში კარგად დაისვენონ და მოემზადონ ახალი სასწავლო წლისთვის", – აღნიშნა მინისტრმა. მარგველაშვილმა ჟურნალისტებთან შეხვედრაზე ასევე სკოლების რეაბილიტაციაზე ისაუბრა და აღნიშნა, რომ ზაფხულში, სამინისტრო 600-მდე სკოლის რეაბილიტაციას და რამდენიმე სკოლის მშენებლობას გეგმავს. მინისტრმა ასევე ყურადღება გაამახვილა უფასო სახელმძღვანელოების საკითხზე, მარგველაშვილის განცხადებით, 2013 წლის სექტემბერში ყველა საჯარო სკოლაში მოსწავლეებს სახელმძღვანელობი უფასოდ მიეცემათ. მისივე თქმით, სახელმძღვანელოების ბეჭდვა და დასაწყობება მიმდინარეობს და მალე მოხდება მათი სკოლებში დარიგება.