საზოგადოებრივი კამპანია „ეს შენ გეხება“ MUST CARRY-ის პრინციპის შემოღების მიზნით,30 ათასი მხარდამჭერის ხელმოწერის შეგროვებას იწყებს.საკითხთან დაკავშირებით,არასამთავრობო ორგანიზაციის წევრებმა და იურიდულ საკითხთა კომიტეტის თავმჯდომარე,პევლე კუბლაშვილმა დღეს შეხვედრა გამართეს,თუმცა,შეთანხმებას ვერ მიაღწიეს.კამპანიის მონაწილე არასამთავრობო ორგანიზაციების წარმომადგენლებმა შეხვედრის შემდეგ აღნიშნეს,რომ ხელისუფლება მათ სთავაზობდა - საკაბელო კომპანიებს სავალდებულო წესით მხოლოდ „საზოგადოებრივი მაუწყებლის“ პირველი და მეორე არხები ჩაერთოთ.„კომიტეტი სატელიტური მაუწყებლების სავალდებულო ტრანზიტს არ თანხმდება.ამიტომ,მათი შემოთავაზებული წინადადება ჩვენთვის მიუღებელია,.„ახლა პარლამენტში საკანონმდებლო წინადადება გვაქვს წარდგენილი.პარლამენტი ვალდებული არ არის ის განიხილოს.ინიცირება საკანომდებლო პროცედურის დასაწყებად აუცილებელია,“ - თქვა შეხვედრის შემდეგ „ახალგაზრდა იურისტთა ასოციაციის „თავმჯდომარემ თამარ ჩუგოშვილმა.„ეს შენ გეხება“ ხვალ საპროცედურო საკითხთა და წესების კომიტეტს მიმართავს,რომელიც ხელმოწერის შეგროვების ფორმას დაამტკიცებს.კამპანიის მონაწილეები ხელმოწერების შეგროვებას ერთ კვირაში ან 10 დღეში აპირებენ.„საბოლოო გადაწყვეტილება მმართველმა გუნდმა უნდა მიიღოს.მაგრამ,მორიგ აქტივობას იმის დასადასტურებლად ვგეგმავთ,რომ ამ საკითხის მიმართ ნამდვილად დიდი ინტერესი არსებობს.ამ წინადადებას ბევრი მხარდამჭერი ჰყავს.ვფიქრობთ,რომ ეს,პრინციპული საკითხია.ამიტომ ჩვენ მცდელობას გავაგრძელებთ,“ - აღნიშნავს თამარ ჩუგოშვილი.