რეიტინგში პირველ ადგილზეა აფრიკული სახელმწიფო რუანდა, სადაც საკანონდებლო ორგანოში მომუშავეთა 56% ქალბატონია. მეორე ადგილზე, 50%-ით ანდორაა. სამეულშია კუბა, სადაც პარლამენტარი ქალების რაოდენობა 45%-ს შეადგენს. ევროკავშირის წევრი ქვეყნებიდან პირველ, ხოლო მსოფლიოში მეოთხე ადგილზეა შვეიცარია, რომლის პარლამენტშიც ქალბატონები პარლამენტართა 45%-ს შეადგენენ. რაც შეეხება ევროკავშირის დანარჩენ წამყვან ქვეყნებს, მათ შორის გერმანია რეიტინგში 26-ე ადგილზეა, საფრანგეთი-27-ე; პოლონეთი-59-ე, დიდი ბრიტანეთი - 65-ე; იტალია-73-ე; რაც შეეხება პოსტაბჭოთა ქვეყნებს, აქ არც თუ ისე სახარბიელო მაჩვენებელია. 25% ქალი დეპუტატების რაოდენობით მხოლოდ ბელორუსმა გადალახა და საერთო რეიტინგში 43-ე ადგილი დაიკავა. აზერბაიჯანს რაც შეეხება, ეს ქვეყანა ქალ დეპუტატათა რაოდენობით 102-ე ადგილზეა, რუსეთი-119-ე, საქართველო-134-ე, სომხეთი-142-ე. პოსტსაბჭოთა ქვეყნებიდან ყველაზე ცუდი მაჩვენებელი უკრაინას აქვს და ის 151-ე ადგილს იკავებს. მსოფლიო ბანკის კვლევა 2012 წლის მაჩვენებლებზე დაყრდნობითაა მომზადებული.