იძულებით გადაადგილებულ პირთა რეგისტრაციის პირველი ეტაპი ზუგდიდში, ფოთში, წალენჯიხაში, ხობსა და ჩხოროწყუში ერთდროულად 1 აგვისტოს დაიწყო. საქართველოს ოკუპირებული ტერიტორიებიდან იძულებით გადადგილებულ პირთა განსახლებისა და ლტოლვილთა სამინისტროს ინფორმაციით ამ დრომდე რეგისტრაცია 27 882-მა დევვნილმა გაირა. სამინისტროს საზოგადოებასა და მედიასთან ურთიერთობის სამსახურის სპეციალისტმა თამარ კაციტაძემ რადიო „ათინათთან“ საუბარში აღნიშნა, რომ სარეგისტრაციო პროცესი ყოველგვარი დარღვევების გარეშე მიმდინარეობს, დევნილები ცხელი ხაზის და მობილური ჯგუფის მომსახურებითაც აქტიურად სარგებლობენ, მისივე ინფორმაციით 20 ივლისიდან 19 აგვისტოს ჩათვლით სარეგისტრაციო პროცესთან დაკავშირებით ცხელი ხაზის მომსახურებით 5 745-მა პიროვნებამ ისარგებლა. აჭარისა და სამეგრელო-ზემო სვანეთის ლტოლვილთა სამმართველოს ხელმძღვანელმა ირაკლი ქოჩუამ კი აღნიშნა, რომ რეგიონში დევნილთა რეგისტრაცია საშუალოზე დაბალია, რადგან დევნილები თხილის სეზონის გამო გალის რაიონში არიან გადასულები. მან ასევე აღნიშნა, რომ გამოვლინდა რამდენიმე შემთხვევა დევნილის პიროვნების მიერ, დევნილის სტატუსით უკანონოდ სარგებლობის, საკითხს ამ ეტაპზე შესაბამისი კომისია სწავლობს. ზუგიდიდის მუნიციპალიტეტში მომსახურების 5 პუნქტია გახსნილი. სარეგისტრაციო პუნქტებში დევნილთა სრული მომსახურება საგანგებოდ გადამზადებული მომსახურე პერსონალის მიერ ხდება. ასევე მობილიზებულია მობილური ჯგუფი, რომელიც გადაადგილებისა და სხვა სახის ჯანმრეთლობის პრობლემის მქონე დევნილებს ადგილზე მისვლით ესმსახურება. იძულებით გადაადგილებულ პირთა ხელახალი რეგისტრაციის პირველი ეტაპი 15 სექტემბრის ჩათვლით გაგრძელდება.