სასჯელაღსრულების დაწესებულება ვანო მერაბიშვილის წერილს აქვეყნებს. ყოფილი პრემიერ–მინისტრი ციხის დირექტორს მადლობას უხდის. როგორც ბრალდებული წერს, სასიხარულოა, რომ მის გარდა ციხის სხვა პატიმრებსაც მიეცათ ტელევიზორით სარგებლობის საშუალება. გარდა ამისა, ვანო მერაბიშვილის განცხადებაში ნათქვამია, რომ ის წყვეტს შიმშილობას და მადლობას უხდის ციხის ადმინისტრაციას, სოციალურ სამსახურს და სამედიცინო პერსონალს გაწეული დახმარებისთვის. “ხაზს უსვამს სოციალური და სამედიცინო სამსახურის გულისხმიერებას, ამ წერილის საფუძველი გახდა ის ყურადღება, რაც მას ექცევა. გადავწყვიტეთ, რომ წერილი გამოგვექვეყნებინა, რადგან გუშინ იცით პარლამენტარმა მინაშვილმა თქვა, რომ “ნაციონალურმა მოძრაობამ” მოახერხა ძალადობის აღმოფხვრა ციხეებში, ჩვენ გამოვაქვეყნეთ ამ სისტემის “დანგრევის” შედეგები”–აცხადებენ სასჯელაღსრულების დაწესებულაბაში, რომელსაც “ქრონიკა” ავრცელებს.