ორგანიზაცია „ახალგაზრდა ადვოკატები“ სასჯელაღსრულების სისტემაში გამჭვირვალე საპრეზიდენტო არჩევნების ჩატარებას და 1127 ამომრჩეველი მსჯავრდებულისთვის არჩევნებში მონაწილეობის სათანადო უზრუნველყოფას მოითხოვს. „ახალგაზრდა ადვოკატები“ მიმართავს საქართველოს სასჯელაღსრულების, პრობაციისა და იურიდიულ საკითხთა სამინისტროს, რათა საჯარო გახდეს ინფორმაცია, მიმდინარეობს თუ არა მსჯავრდებული ამომრჩევლების სათანადო ინფორმირება საპრეზიდენტო კამპანიასთან დაკავშირებით." „ახალგაზრდა ადვოკატების“ მიერ სასჯელაღსრულების, პრობაციისა და იურიდიულ საკითხთა სამინისტროსგან მიღებული ინფორმაციის საფუძველზე, 2013 წლის 31 ივლისის მდგომარეობით, პატიმრობისა და თავისუფლების აღკვეთის დაწესებულებაში, ნაკლებად მძიმე დანაშაულისათვის, სულ 1 129 მსჯავდებული იმყოფება. ამომრჩეველი მსჯავრდებულებდიან 1127 სრულწლოვანი, ხოლო 2 არასრულწლოვანია. აქედან 1109 სრულწლოვანი მამაკაცი, 18-სრულწლოვანი ქალბატონი და 2 არასრულწლოვანი ვაჟია. დღეს მოქმედი კანონმდებლობის საფუძველზე, არჩევნებში მონაწილეობის უფლება აქვთ იმ პირებს, ვისაც ჩადენილი აქვს ნაკლებად მძიმე დანაშაული. მსჯავრდებული ამომრჩევლები ირიცხებიან სპეციალურ სიაში, რომელსაც სამინისტრო ადგენს. იმისათვის, რომ მოხდეს პატიმართა სრული იმფორმირება არჩევენებში მონაწილე კანდიდატების და საარჩევნო პროცედურების საკითხზე, თავისუფლების აღკვეთის დაწესებულებათა ადმინისტრაციებს აკისრიათ ვალდებულება კენჭისყრამდე 8 დღით ადრე, უზრუნველყონ შესაბამისი ადგილების გამოყოფა ბეჭდვითი, სააგიტაციო მასალების, ფაილებისა და ბუკლეტების თვალსაჩინოებისთვის და განსათავსებლად.