ზუგდიდის გამგეობის სააქტო დარბაზში „ზუგდიდის მუნიციპალიტეტის ტერიტორიულ ერთეულებში გამართული შეხვედრების შუალედური ანაგრიშის“ პრეზენტაცია გაიმართა. ანაგრიშის პრეზენტაციას რეგიონული განვითარებისა და ინფრასტრუქტურის სამინისტროს, ზუგდიდის გამგეობისა და არასამთავრობო ორგანიზაციის წარმომადგენლები დაესწრნენ. შეხვედრა ასოციაცია “ათინათის”, „საერთაშორისო გამჭვრივალობა-საქართველოს“ ზუგდიდის ოფისისა და “სამოქალაქო მონიტორინგისა და კვლევების ცენტრის” კოალიციური პროექტის „საზოგადოების ჩართულობა დემოკრატიული თვითმმართველობისათვის“ ფარგლებში გაიმართა. ანგარიშში წარმოდგენილი იყო ზუგდიდის მუნიციპალიტეტის თხუთმეტ სოფელში გამოვლენილი პრობლემები და მოსახლეობის საჭიროებები. კოალიციური პროექტის მიზანია სოფლებში გამოვლენილი პრობლემები ზუგდიდის 2014 წლის ბიუჯეტისა და მომდევნო სამი წლის პრიორიტეტების დოკუმენტში აისახოს. წარმოდგენილი ანგარიშის თანახმად, გამოვლენილი პრობლემები ინფრასტრუქტურულ და სოციალურ საკითხებს ეხება. კერძოდ, ყველაზე მწვავედ დგას სანიაღვრე არხებთან და გზების რეაბილიტაციასთან, საბავშვო ბაღების შენობა-ნაგებობების მოწესრიგება და ელექტრო ენერგიის სისტემის ინდივიდუალური გამრიცხველიანება და ა.შ. რეგიონული განვითარებისა და ინფრასტრუქტურის სამინისტროს თვითმმართველობის განვითარებისა და რეგიონული დეპარტამენტის უფროსის მოადგილე  კონსტანტინე ხმალაძემ, ჟურნალისტებთან საუბარში, პროექტის ავტორებს პრეზენტაციაზე მიწვევისთვის მადლობა გადაუხადა და განაცხადა რომ წარმოდგენილი ანგარიში ძალიან სასარგებლო იქნება უწყებისთვის. „ჩვენ უშუალოდ პირველწყაროდან მივიღეთ ინფორმაცია, რაც ძალიან მნიშვნელოვანია იმისვის, რომ დავგეგმოთ და განვახორციელოთ ის ინფრასტრუქტურული სამუშაოები“, - განაცხადა კოტნსტანტინე ხმალაძემ. მისივე თქმით, პროექტის ფარგლებში გამოცემული ბროშურა - ადგილობრივი თვითმმართვერლობის გზამკვლევი - მნიშვნელოვანია, რადგან ის ხელს შეუწყობს თვითმმართველობის საკითხებში საზოგადოების ცნობიერების ამაღლებას. კოალიციური პროექტის კოორდინატორის არჩილ თოდუას განმარტებით, მათ იმედი აქვთ, რომ ზუგდიდის გამგეობა კვლევების შედეგად გამოვლენილ პრობლემებს მომდევნო საბიუჯეტო წლების პრიორიტეტების დოკუმენტში გაითვალისწინებს და პრობლემები ეტაპობრივად მოგვარდება. ცნობისთვის, პროექტის „საზოგადოების ჩართულობა დემოკრატიული თვითმმართველობისათვის“ ფარგლებში პერიოდულად იმართება შეხვედრები ზუგდიდის მუნიციპალიტეტის სოფლების მოსახლეობასთან. შეხვედრაზე მიმოიხილება ადგილობრივი თვითმმართველობის, მოქალაქეთა ჩართულობისა და თვითმმართველობის დაგეგმილი რეფორმის ძირითადი საკითხები. ასევე, ხდება კონკრეტულ თემში არსებული პრობლემების მოკვლევა, რაც გათვალისწინებულ იქნება ზუგდიდის მუნიციპალიტეტის გამგეობის, საკრებულოსა და სხვა უწყებებისათვის შესათავაზებელ რეკომენდაციებში. კოალიციური პროექტი „ევრაზიის თანამშრომლობის ფონდის“ მხარდაჭერით ხორციელდება.