ზუგდიდის მუნიციპალიტეტის სოფელ ნარაზენში დაახლოებით, 10-მდე ოჯახი დამეწყრილ ზონაში ცხოვრობს. მოსახლეობა ადგილობრივი ხელისუფლებისგან დახმარებას ითხოვს. მათი თქმით, ნარაზენი, კერძოდ რუსთაველის უბანი 2006 წელს დაიმეწყრა, რის გამოც სახლის კედლები და საძირკველი გაიბზარა. მათივე თქმით, ასეთ სახლებში ცხოვრება დღითიდღე საშიში ხდება. როგორც ისინი აცხადებენ, მათ ყოფილი ხელისუფლება საცხოვრებლ ადგილს წალკაში, ახმეტასა სამცხე-ჯავახეთში სთავაზობდა. ნარაზენის მკვიდრის რამინ ქობალაის სახლის ნაწილი ჩამოშლილია, კედლები კი მთიანადაა გაბზარული. რომან ქობალია ამბობს, რომ მისი საცხოვრებელი სახლი, ექსპერტიზის დასკვნის საფუძველზე, სარემონტო სამუშაოებს არ ექვემდებარება და დაშლას საჭიროებს. „შვიდი სული ვცხოვრობთ ამ სახლში. სოციალურად დაუცველები ვართ. ავადმყოფი შვილი მყავს, რის გამოც ყველაფერი გავყიდეთ, ჩემი სახლი 24 ათას ლარად არის შეფასებული, ვითხოვთ კომპენსაციას“, - ამბობს რამინ ქობალია და დასძენს, რომ ყოფილი ხელისუფლების მიერ შეთავაზებულ რეგიონებში არ გადასახლდებიან. როინ ქობალაის მსგავასდ, როინ ახალაიც უკვე 5 წელია დახმარებას ხელისფლებისგან ითხოვს, თუმცა უშედეგოდ. „არ დაადგა ჩვენს ამაბვს საშველი. 5-6 წელია ამათი იმედი გვაქვს. არ ვიცით რა ვქნათ“, - ამბობს როინ ახალაია. მისივე ქმით, ადგილობრივი ხელისუფლების ცვლილების შემდეგ მას ზუგდიდის გამგეობისთვის არ მიუმართავს. აღნიშნულ საკითხთან დაკავშირებით რადიო "ათინათი", ზუგდიდის გამგებლის მოადგილის მოვალობის შემსრულებელს გიორგი თოდუას დაუკავშირდა. თოდუა ამბბობს, რომ ზუგდიდის მუნიციპალიტეტის მასშტაბით დამეწყრილ ზონაში, 325-მდე ოჯახი ცხოვრობს. მისვე განმარტებით, დამეწყრილ ზონაში მცხოვრები მოსახლეობის სია პარლამენტში ერთი თვის წინ გააგზავნეს, სადაც, მისივე თქმით, აღნიშნულ საკითხზე მუშაობა მიმდინარეობს. „ამ მონაცემთა ბაზას, მიმდინარე წელს კიდევ 40-ზე მეტი ოჯახი დაემატა. აქედან ნახევარი, უმძიმეს მდგომარეობაშია და ასახლებას ექვემდებარება. 500 ლარის დახმარება, რომელიც ამ დროს გაიცემა, გვესმის რომ არაფერს ნიშნავს. ჩვენ, ადგილობრივი თვითმმართველობა, პარლამენტთან ერთად ვმუშაობთ ამ საკითხზე. ვფიქრობ სულ მალე სოლიდური კომპენსაციების გაცემა დაიწყება“, - უთხრა რადიო „ათინათს“ გიორგი თოდუამ.