„საერთაშორისო გამჭვირვალობა საქართველოს“ ორგანიზებით ზუგდიდის დემოკრატიული ჩარტულობის ოფისში დღეს, 25 სექტემბერს საარჩევნო პერიოდში ადმინისტრაციული რესურსის გამოყენების შესახებ კიდევ ერთხელ ისაუბრეს. შეხვედრას როგორც სამთავრობო, ისე არასამთავრობო რგანიზაციის წარმომადგენლები დაესწრნენ. „საერთაშორისო გამჭვირვალობა საქართველოს“ წარმომადგენლის გოგი ჩიხლაძის განმარტებით, საარჩევნო პერიოდში ყველაზე ხშირად ინსტიტუციური, ფინანსური რესურსებისა და ძალოვანი სტრუქტურის გამოყენების მაგალითები გვხვდება. შეხვედრის მონაწილეები დაინტერესდნენ ჰქონდა თუ არა საჯარო მოხელეებს შესვენების პერიოდში საარჩევნო კამპანიაში მონაწილეობის მიღების უფლება. რაზეც ჩიხლაძემ განმარტა, რომ ამის პრეცენდენტი ცსკოს არ ააქვს. და თუ მოხდება მსგავსი პრეცენდენტები, მისივე თქმით, ამის გაკონტროლება ძნელი იქნება. ამასთან, გოგი ჩიხლაძემ ეუთოს კოპენჰაგენის და საქართველოს კანონმდებლობის პრინციპები შეხვედრის მონაწილეებს მოკლედ გააცნო. როგორც რადიო „ათინათს“ გოგი ჩიხლაძემ უთხრა, 2012 წლის საპარლამენტო არჩევნებთან შედარებით, წელს საარჩევნო კანონმდებლობის დარღვევები უპრეცენდენტოდ დაბალია. „ თუმცა არის პრობლემები და ეს ძირითადად არაპროფესიონალიზმს ეხება. ან და შემთხვევები გვაქვს კონკრეტული საჯარო მოხელის თვითშემოქმედებასთან. იმის თქმა მინდა, რომ ამ მიმართულებით სისტემური პრბლემემბი არ არის,“ - ამბობს გოგი ჩიხლაძე. ზუგდიდის გამგებლის მოადგილის მოვალეობის შემსრულებლის გიორგი თოდუას თქმით, გამგეობა ყველანირ ღონეს იხმარს, რომ ზუგდიდში ადმინისტრაციული რესურსი გამოყენება რომელიმე პარტიის მხარდასაჭერად არ მოხდეს. „საჯარო მოხელე და მთლიანად სამოქალაქო საზოგადოება უნდა მიეჩვიოს იმას, რომ ნებისმიერი არჩევნები სამართლიანად უნდა ჩატარდეს. არჩევნები არის ჩვეულებრივი მოვლენა, არც გამარჯვებაა ტრიუმფი და საოცარი მიღწევა და არც დამარცხებაა ტრაგედია“, - აცხადებს გიორგი თოდუა.