„სახალხო მოძრაობის“ ერთერთმა ლიდერმა ვახუშტი ფარცვანიამ საგანგებოდ გამართულ ბრიფინგზე საქართველოს პრემიერ მინისტრ ბიძინა ივანიშვილს სიტყვით მიმართა. მან პრემიერ მინისტრი სამეგრელოში ჩამოსვლისა და ხალხთან შეხვედრის შესახებ ცრუ დაპირებაში დაადანაშაულა. ფარცვანია აღნიშნავს, რომ პრემიერმა საზოგადოების ნების იგნორირებით ურეიტინგო პარტიები მოიყვანა ხელისუფლებაში, გაანადგურა ოპოზიციური პარტიის სულისკვეთება და დაამკვიდრა ორხელისუფლებიანობა. „ადგილობრივ თვითმმართველობებში განხორციელდა სამარცხვინო კოაბიტირებული გადანაცვლება-ჩანაცვლებები, გამოიკვეთა კლასიკური ნეპოტიზმი ხოლო ღირსეული ხალხი იგნორირებულია“-, აღნიშნა ვახუშტიმ. მიმართვაში ასევე ნათქვამია, რომ საზოგადოების მოთხოვნა ზუგდიდში სამთავრობო სხდომის ჩატარების შესახებ დღემდე პასუხგაუცემელია. ფარცვანია ასევე „სამარცხვინო შოუს“ უწოდებს 25 სექტემბერს პრემიერ მინისტრსა და ექსპერტე- პოლიტოლოგებს შორის გამართულ შეხვედას. მან პრემიერი პრეზიდენტობის ინსტიტუტის სრულ დევალვაციასა და სამმილიონნახევრიან საარჩევნო სიის გაყალბებაში დაადანაშაულა. „ნათლად გამოიკვეთა, რომ თქვენ დევნით ნამდვილ ოპონენტებს. გაგვაგებინეთ ბატონო პრემიერ-მინისტრო , რატომ გვატყუებთ, რატომ იგდებთ აბუჩად საქართველოს მოსახლეობას, თქვენი იმედით მყოფ ამომრჩევლებს და რატომ გვაყრით ნაცარს თვალებში“,-ნათქვამია მიმართვაში.