ცენტრალურმა საარჩევნო კომისიამ დღეს საქართველოს პრეზიდენტის 2013 წლის 27 ოქტომბრის არჩევნებში მონაწილე კანდიდატების რიგითი ნომრები წილისყრით განსაზღვრა. რამდენიმე პრეზიდენტობის კანდიდატმა პირადად მიიღო წილისყრაში მონაწილეობა და საკუთარი რიგითი ნომერი თავადვე გამოავლინა. გიორგი მარგველშვილის საარჩევნო ნომერი 41-ია, დავით ბაქრაძის - 5, ნინო ბურჯანაძის 14, გიორგი თარგამაძის ნომერი 10, შალვა ნათელაშვილის -9, კობა დავითაშვილის - 4, ზურაბ ხარატიშვილის კი ნომერი 15. რიგითი ნომრების განსაზღვრის პროცესში მონაწილეობა არ მიუღიათ „ნაციონალური მოძრაობის“,“ქართული ოცნება-დემოკრატიული საქართველოს“ და „ქრისტიან-დემოკრატიული მოძრაობის“ კანდიდატებს. მათ ისარგებლეს კანონით მინიჭებული უფლებით და საარჩევნო კოდექსის შესაბამისად, 2012 წლის საქართველოს პარლამენტის არჩევნებისას საუკეთესო შედეგის მქონე მათი წარმდგენი პოლიტიკური პარტიების რიგითი ნომრები შეინარჩუნეს.