სატყეო სექტორში განხორციელებული კვლევის ანგარიშის პრეზენტაცია დღეს, 10 ოქტომბერს ზუგდიდის გამგეობაში გაიმართა. „ღია გარემოსდაცვითი სამოქალაქო ინიციატივის“ მიერ მომზადებულ ანგარიშის პრეზენტაციას ზუგდიდის მუნიციპალიტეტის შემადგენლობაში შემავალი ტერიტორიული ორგანოების რწმუნებულები ესწრებოდნენ, რომლებიც თვითონ იყვნენ კვლევის პროცესში ჩართულნი. „სამოქალაქო ინიციატივის“ მიერ ჩატარებული კვლევის „ტყეების მართვის დღევანდელი ვითარება და მისი გავლენა მოსახლეობზე“–  მიზანი სატყეო რესურსებზე არსებული მოთხოვნების დადგენა, ტყეების მართვასთან დაკავშირებული პრობლემების იდენტიფიცირება და ადგილობრივი მოსახლეობის სხვდასხვა ასპექტზე მათი ზეგავლენის შესწვლა იყო. კვლევა საქართველოს 7 რეგიონის 1933 სოფელში ჩატარდა. „ღია გარემოსდაცვითი სამოქალაქო ინიციატივის“ რეგიონლური კოორდინატორის, მაია კოდუას განცხადებით, კვლევმ აჩვენა, რომ ტყეების დიდი ნაწილი დეგრადირებულია, და მთი არასწორი ექსპლუატაციის შედეგად ბუნებრივი კატასტროფების რისკი გაიზარდა.   გარემოსდაცვითი ზედამხედველობის დეპარტამენტის სამეგრელო–ზემო სვანეთის სამსახურის უფროსი ლაშა ფარცვანია განმარტავს, რომ  ხე-ტყის საკარმიდამო ნაკვეთებთან დაკავშირებით სამართალდარღვევათა კოდექსში გარკვეული ცვლილებები შევიდა, რითაც სანქციები გამკაცრდა.   „მოსახლეობას მივმართავ, რომ აღნიშნული კანონდარღვევებისგან თავი შეიკავონ. ძირითადად ეს მიმართული იქნება უკანონო ხე–ტყის მოპოვების, ტრანსპორტირების, უკანონო თევზჭერის, ნადირობის მიმართულებით. განსაკუთრებული ყურადღება მიექცევა ე.წ. „მანოკებით“, ხმოვანი სიგნალის გამომცემი აპარატურით ნადირობას, ელექტროშოკებით თევზაობას“,-აღნიშნა ლაშა ფარცვანიამ. მისივე თქმით 24- სექტემბრიდან დღემდე არაერთი უკანონო ტყის ჭრის, ნადირობისა და თევზჭერის შემთხვევები დაფიქსირდა, კანონდამრღვევი პირები კი სპეციალური სანქციებით დაჯარიმდნენ.