„არა სოჭის ოლიმპიადას“, „არა ოკუპაციას“ - ამ სახელწოდების აქცია გაიმართა დღეს, 12 ოქტომბერს ზუგდიდში. აქცია არასამთავრობო ორგანიზაციების, "თავისუფალი ზონის" და "ახალგაზრდები ევროპული მომავლისთვის" მიერ იყო ორგანიზებული. მათი თქმით, საქართველომ არ უნდა მიიღოს სოჭის ოლიმპიადაში მონაწილეობა. აქციის მონაწილეები ასევე, ქართველ სპორტსმენსებს მოუწოდებენ უარი უთხრან სოჭის ოლიმპიადას. ამასთან დღეს, აღნიშნულთან დაკავშირებით, ხელმოწერებიც შეაგროვდა. აქციის მსვლელობისას მცირე ინციდენტიც დაფიქსირდა. ერთ-ერთ მოქალაქეს აქციის მონაწილეებთან შელაპარაკება მოუვიდა,რა დროსაც ის სამართალდამცავებმა დააკავეს. ახალგაზრდული საინიციატივო ჯგუფის წევრის ანა წითლიძის თქმით, დაკავებული პროვოკაციის მოწყობას გეგმვდა და ის ზუგდიდის გამგეობის საგანგებო სიტუაციების სამსახურის თანამშრომელია. „გამგეობას და „ქართულ ოცნებას“ მეტი ფანტაზია არ ეყო და გამოაგზავნეს პროვოკატორი“, - ამბობს ანა წითლიძე. მისივე თქმით, ის დაკავებულისთვის ადმინისტრაციული სამართალდარღვევის შეფარდებას არ ითხოვს. ზუგდიდის გამგეობაში წითლიძის ბრალდებებს უარყოფენ და აცხადებენ, რომ თუ დაკავებულის ბრალეულობა გამოიკვეთა მას სამსახურიდან დაითხოვენ..