საქართველოს შინაგან საქმეთა სამინისტრო დავით კეზერაშვილის დაკავების შესახებ ინფორმაციას მოგვიანებით გაავრცელებს, - ამის შესახებ "ინტერპრესნიუსს" შინაგან საქმეთა სამინისტროს საზოგადოებასთან ურთიერთობის სამსახურის ხელმძღვანელმა, ნინო გიორგობიანმა განუცხადა. გიორგობიანი ინფორმაციას დავით კეზერაშვილის დაკავების შესახებ ადასტურებს და განმარტავს, რომ დამატებითი დეტალების შესახებ შინაგან საქმეთა სამინისტრო განცხადებას გაავრცელებს. თავდაცვის ყოფილმა მინისტრმა დავით კეზერაშვილმა, როგორც კი საფრანგეთის საზღვარი გადაკვეთა, ადგილობრივმა სამართალდამცველებმა მაშინვე დააკავეს – ამის შესახებ „ტელეგრაფს“ ექსკლუზიურად საქართველოს საგანგებო და სრულუფლებიანმა ელჩმა საფრანგეთში ეკატერინე სირაძე-დელონმა განუცხადა. „ვადასტურებ, რომ დავით კეზერაშვილი საფრანგეთში დააკავეს. ჩემთვის ცნობილია, რომ როგორც კი კეზერაშვილი საფრანგეთის ტერიტორიაზე შემოვიდა, მაშინვე დააკავეს. დარწმუნებით მინდა ვთქვა, რომ ის მანამდე საფრანგეთის ტერიტორიაზე არ იმყოფებოდა. ამ წუთებში საელჩოს ყველა თანამშრომელს დაევალა და ვარკვევთ, რომელ ქალაქში და რა ვითარებაში დააპატიმრეს იგი“, – განუცხადა „ტელეგრაფს“ ეკატერინე სირაძე-დელონმა. თავდაცვის ყოფილი მინისტრი საფრანგეთში დააკავეს.