ქალთა კავშირი „ქალები მშვიდობისა და სამართლიანობისთვის“ ინგა ქარდავა სამეგრელო-ზემო სვანეთის კოორდინატორს ხვიჩა ჯიშკარიანს მუქარაში ადანაშაულებს. ქარდავა ძალოვანი სტრუქტურის წარმომადგენლებს მათი სატელეფონო საუბრის ამოღებას სთხოვს. "წუხელ ჯიშკარიანმა დამირეკა და დამემუქრა „ნახე რა მოგივიდეს, შენ არ იცი ვისთან გაქვს საქმეო“. ასევე, ჩემთან ერთად სატელეფონო საუბარში გინებით იყო ნახსენები ლალი ანთია. დამემუქრა იმისთვის, რომ ბატონ ბიძინას ვუთხარი თუ ვინ ღალატობდა მას სენაკში“, - ამბობს ინგა ქარდავა. ქალები მშვიდობისთვის“ ხელმძღვანელი ლალი ანთია კი აცხადებს, რომ არჩევნებზე გიორგი მარგველაშვილის დიდი უპირატესობით გამარჯვებას ხელი მიზან მიმართულად, „ქართული ოცნების“ ზუგდიდის ორგანიზაციის ხელმძღვანელმა, ლაშა გოგიამ შეუშალა. „შარშან, როცა ჩვენ გვატერორებდნენ, ქართულმა ოცნებამ 16 ათასი ხმა აიღო, წელს კი ზუგდიდში საპრეზიდენტო არჩევნებზე 20 ათასი ხმა. ეს არის ჩემთვის და მთელი საზოგადოებისთვის აღმაშფოთებელი ფაქტი. მე ხელს ვადებ ხვიჩა ჯიშკარიანს, ლაშა გოგიას, ზურაბ ჩიქავას და ზუგდიდის მთელ საარჩევნო შტაბს. ისინი იყვნენ დაკავებულები სიების ჩამოწერით, თუ ვინ, სად და რომელ თანამდებობაზე დაინიშნებოდა, ყავდათ ნაციონალების მიერ „ჩანერგილი“ ზონდერ ბრიგადების შემოსევა“, - აცხადებს ლალი ანთაია. ლალია ანთია ასევე ამბობს, რომ „ოცნების“ 5 კოორდინატორი 500 ლარად „გაიყიდა“. თუმცა ანთია, ჯერჯერობით, მათ ვინაობას არ აკონკრეტებს. „ქართული ოცნების“ კოორდინატორი სამეგრელოს მხარეში ხვიჩა ჯიშკარიანი და მმართველი პარტიის ზუგდიდის ორგანიზაციის ხელმძღვანელი ლაშა გოგია ზემოაღნიშნულთან დაკავშირებით კომენტარს არ აკეთებენ.