საქართველოს რეგიონული განვითარებისა და ინფრასტრუქტურის მინისტრის მოადგილე, შოთა მურღულია დღეს, 8 ნოემბერს მუნიციპალიტეტების ხელმძღვანელებს შეხვდა. შეხვედრას, ზუგდიდის მუნიციპალიტეტის გამგეობიდან, კაპიტალური მშენებლობის სამსახურის უფროსი ჯაბა არდია და გამგებლის მოადგილის მოვალობის შემსრულებლი, მერაბ ქვარაია ესწრებოდნენ. მათი ინფორმაციით, სამუშაო შეხვედრაზე რეგიონებში განსახორციელებელი პროექტების ფონდიდან დაფინანსებული პროექტების მინდინარეობა და მომდევნო წლის გეგმები განიხილეს. მერაბ ქვარაიას თქმით, ქვეყნის მასშტაბით, 81 ამბულატორიის მშენებლობა იგეგმება, მათ შორის, სავარაუდოდ, ორის ამბულატორია ზუგდიდში აშემდება, კერძოდ, განმუხურსა და ინგირში. მისივე განმარტებით, 2014 წელს ზუგდიდში მშენებლობის კუთხით პრიორიტეტული იქნება: სანიაღვრე სისტემების მოწესრიგება, ყველა სოფლისკენ მიმავალი გზის მოასფალტება, ფეხბურთის სტადიონის მშენებლობა, მოსწავლე-ახალგაზრდული სასახლის შეკეთება, გარეგანათების არეალის გაფართოება და ა.შ. „დღეს დაიწყო ამ საკითხებზე მსჯელობა. ამ პროექტებზე მუშაობა კი უკვე დაწყებულია და წლის ბოლომდე დამტკიცდება იმ პროექტების ნუსხა, რომელიც ზუგდიდში 2014 წელს განხორციელდება“, - უთხრა რადიო „ათინათს“ მერაბ ქვარაიამ. მისივე განცხადებით, ზემოაღნიშნულ საკითხებთან დაკავშირებით, მსგავი შეხვედრები მომავალშიც გაიმართება. ცნობისვის, სხვადასხვა ინფრასტრუქტურული პროექტის განსახორციელებლად რეგიონებში განსახორციელებელი პროექტების ფონდიდან მუნიციპალიტეტებს წელს 230 მილიონი ლარი გამოეყოთ. აღნიშნული თანხით 695 ინფრასტრუქტურული პროექტი დაფინანსდა.