საქართველოს რეგიონული განვითარებისა და ინფრასტრუქტურის სამინისტროს წარმომადგენლებმა თვითმმართველობის ახალი კოდექსი ზუგდიდელებს წარუდგინეს და მის დაადებითი მხარებეი განიხილეს. შეხვედრაში რეგიონული განვითარების მინისტრმა დავით ნარმანიამ, მინისტრის პირველმა მოადგილემ, თენგიზ შერგელაშვილმა, მთავრობის კანცელარიის რეგიონებსა და თვითმმართველობებთან ურთიერთობის დეპარტამენტის უფროსმა, ირაკლი მელაშვილმა, ადგილობრივი ხელისუფლებისა და ზუგდიდის სამოქალაქო საზოგადოების წარმომადგენლებმა მიიღეს მონაწილეობა. შეხვედრა ზუგდიდის თეატრში შედგა და მას 300-მდე ადამიანი ესწრებოდა. თვითმმართველობის ახალი კოდექსის თანახმად, ზუგდიდი ერთ-ერთი ის ქალაქია, რომელსაც, რეფორმის შედეგად, თვითმმართველი ქალაქის სტატუსი მიენიჭება, მიეცემა უფლებამოსილებები და ექნება საკუთარი ბიუჯეტი, რომელიც მთლიანად ქალაქის განვითარებას მოხმარდება. მოქალაქეებმა, რომელიც შეხვედრას ესწრებოდნენ ახალი კოდექსი დადებითად შეაფასეს და აღნისნეს, რომ ახალი ინიციატივა დეცენრალიზაციას მნიშვნელოვნად შეუწყობს ხელს. შეხვედრის მსვლეობისას, ერთ-ერთი მოქალაქე დაინტერესდა მოახდენს თუ არა გავლებნას ახალი კოდექსი საარჩევნო სისტემაზე და რამდენი დეპუატატი ეყოლება ზუგდიდს. მოქალაქეს ზემოაღნიშნულ კითხვაზე სამინისტროს წარმომადგენლებმა უპასუხეს, რომ ახალი კოდექსი საპარლამენტო არჩევნებთან უშუალო კავშირში არ არის. „თუმცა, ევროსაბჭოს რეკომენდაციაში ასახულია, რომ, მაგალითად,  არ შეიძლება 5 ათას ამომრჩევლიანი ყაზბეგი ირჩევდეს ერთ დეპუტატს და ასევე ერთ დეპუტატს ირჩევდეს ათი ათასობით გლდანელი. ეს თავისთავად პრობლემაა, მაგრამ ამაზე ალბათ პარლამენტი  იმუშავებს მაშინ, როცა საპარლამენტო არჩევნები მოახლოვდება. „ეროვნულ-დემოკრატიული მოძრაობის“ ზუგდიდის ოფისის ხელმძღვანელმა კახა ჯიქიამ სამინისტროს წარმომადგენლებს ჰკითხა, მოესწრება თუ არა 2014 წლის თვითმმართველობის არჩევნებისთვის ახალი კოდექსი. ჯიქიას მინისტრის მოადგილემ, თენგიზ შერგელაშვილმა განუმარტა, რომ „ყველაფერი დღე-დღეზეა გათვლილი და ყველაფერი მოესწრება. ყველა თანხლებ კანონში ცვლილებები უკვე შეტანილია. ამ კოდექსაც პარლამენტი დეკემბრში დაამტკიცებს“, - აღნიშნა შერგელაშვილმა. შეხვედრაზე, ასევე, ყურადღება გამახვილდა თემებში თვითმმართველობის განხორციელების საკითხებზეც. როგორც ცნობილია, თვითმმართველობის კოდექსის შესაბამისად, თვითმმართველი ქალაქების მიმდებარე სოფლებისგან ჩამოყალიბდება თემები, რომლის ბაზაზეც ფორმირდება მუნიციპალიტეტები. თვითმმართველი ერთეულების (ქალაქებისა და მუნიციპალიტეტების) მმართველი რგოლები იქნება არჩევითი. ასევე, განისაზღვრა ფისკალური დეცენტრალიზაციის გრძელვადიანი ხედვა, რაც თვითმმართველობებს მეტ ფინანსურ რესურსს გაუჩენს. „აქამდე მუნიციპალიტეტებში მხოლოდ ქონების გადასახადი რჩებოდა. ჩვენი მოდელის მიხედვით კი ადგილზე რჩება როგორც ქონების ასევე,  საშემოსავლო გადასახადიც. ეს კი მოხმარდება ადგილზე არსებულ პრობლემებს, რაც გაცილებით მეტი სასარგებლო იქნება. ამასთან, თქვენ, მოსახლეობა გადაწყვეტთ რა იქნება პირველ რიგში მოსაგვარებელი და არა“, - განუმარტა მოქალაქეებს  დავით ნარმანიამ. თვითმმართველობის კოდექსი საქართველოს მთავრობამ 30 ოქტომბრის სხდომაზე დაამტკიცა, ხოლო პარლამენტის ბიურომ პროექტი გუშინდელ სხდომაზე დაარეგისტრირა და მის საკომიტეტო განხილვებს უახლოეს მომავალში დაიწყებს.