კლუბ „ზუგდიდის“ დირექტორი მალხაზ ჭეჟია საკრებულოს თავმჯდომარეს ლევან კონჯარიას ზეწოლაში ადანაშაულებს. მან აღნიშნულზე დღეს, 14 ნოემბერს საგანგებო ბრიფინგი გამართა. „ლევან კონჯარიამ დამირეკა და მითხრა: საკებულომ გადაწყვიტა, რომ თქვენ გაგათავისუფლოთო. ამასთან, მან მითხრა გუნდი ვარჯიშზე ყოფილმა მწვრთნელმა უნდა გაიყვანოსო. მე მას უთხარი ეს შეუძლებელია, რადგან ჩვენ ახალი მწვრთნელი უკვე დანიშნული გვყავს-მეთქი. მაგრამ ის დაჟინებით ითხოვდა. თუმცა ეს თხოვნა კი არა ბრძანება იყო“, - აცხადებს მალხაზ ჭეჟია. მისივე განცხადებით, ლევან კონჯარიას კლუბის მწვრთვნელი დანიშვნის უფლება არ ააქვს. ზუგდიდის მუნიციპალიტეტის საკრებულოში მალხაზ ჭეჟიაზე მუზეწოლას უარყოფენ, თუმცა ადასტურებენ, რომ საკრებულოს თავმჯდომარემ ჭეჟიას ნამდვილად დაურეკა და საკრებულოს გადაწყვეტილება გააცნო. „საკრებულოს კომისიის სხდომის დასრულების შემდეგ, რომელსაც ფეხბურთის ქომაგებიც ესწრებოდნენ, კვალავ შევიკრიბეთ და მივედით იმ დასკვნამდე, რომ მალხაზ ჭეჟიას მუშაობა არადამაკმაყოფილებლად ჩაითვალა“, - აცხადებს სპორტის საკითხთა კომისიის წევრი ლევან მაქაცარია დასძენს, რომ ჭეჟიას გადაყენების შესახებ ოფიციალური ცნობა მოგვიანებით გახდება ცნობილი. ამასთან, საკრებულოში აცხადებენ, რომ ზემოაღნიშნულთან დაკვშირებით გამგეობასაც მიმართეს და პოზიციის დაფიქსირება სთხოვეს. მათივე განმარტებით, გამგეობიდან პასუხად მიიღეს, რომ ემოქმედათ კანონის შესაბამისად. ზუგდიდის გამგებლის მოადგილე გიორგი თოდუა მალხაზ ჭეჟიას გათავიუფლებაზე ინფორმაციას არ ფლობს და აცხადებს, რომ საფეხბურთო კლუბ ზუგდიდის ირგვლივ შექმნილი რთული ვითარება, როგორც საკრებულომ ისე გამგეობამ ერთობლივად უნდა განიხილოს. ცნობისთვის, საფეხბურთო კლუბ „ზუგდიდის“ პრობლემებზე 12 ნოემბერს ზუგდიდის საკრებულოს სააქტო დარბაზში იმსჯელეს. შეხვედრას როგორც საკრებულოსა და გამგეობის, ისე ფეხბურთის ქომაგები ესწრებოდნენ. ვეტერანმა ფეხბურთელებმა და საზოგადოება „ზუგდიდელის“ წევრებმა ს/კ „ზუგდიდის“ მოქმედი დირექტორი მალხაზ ჭეჟია გადაყენება მოითხოვეს, კლუბის მთვარ მწვრთნელად კი ისევ კობა წითაიშვილის დანიშვნას ითხოვდნენ. შეხვედრაზე, ზუგდიდის საკრებულოს თავმჯდომარე ლევან კონჯარია ინიციატივით გამოვიდა და განაცხადა, რომ უნდა შეიქმნას სპეციალური კომისია, რომელიც განიხილავს და გადაჭრის კლუბში არსებულ პრობლემებს. ამასთან, ლევან კონჯარიამ „ზუგდიდის“ ყოფილ მწვრთნელს კობა წითაიშვილს დაავალა, რომ კლუბის ვარჯიში გააგრძელოს. „ზუგდიდის“ მთავარმა მწვრთნელმა კობა წითაიშვილმა და სამმა წამყვანმა ფეხბურთელმა კლუბი რამდენიმე კვირს წინ, პროტესტის ნიშნად, დატოვეს. ს/კ „ზუგდიდი“ ჩემპიონატთა ლიგაში ბოლო, მე-12-ე ადგილზეა.