ზუგდიდის დემოკრატიული ჩართულობის ცენტრში, დღეს, 18 ნოემბერს პროექტ „მეგობრული გზების“ პრეზენტაცია გაიმართა. პროექტის მიზანია მოქალაქეების ჩართულობით აღმოიფხვრას შავი წერტილები საქართველოს გზებზე, რათა შემცირდეს ავტოსაგზაო შემთხვევების შედეგად დაშავებული და გარდაცვლილი ადამიანების რაოდენობა. როგორც შეხვედრაზე ითქვა, საქართველოს გზებზე 2012 წელს 605 ადამიანი დაიღუპა და 7734 ათასი დაშავდა. „2005 წლიდან 2012 წლამდე საქართველოს გზებზე ავტოსაგზაო შემთხვევები იზრდებოდა. გასულ წელს ამ ციფრმა იკლო, თუმცა წელს ისევ იმატა. ამ მხრივ ყველაზე რთული ვითარება ბათუმსა და ფოთშია. მაგალითად, შარშან ბათუმში, ერთ-ერთ ვიწრო ქუჩაზე ხუთი ბავშვი დაიღუპა“, აღნიშნა შეხვედრაზე ფონდ „პარტნიორობა საგზაო უსაფრთხოებისთვის“ დირექტორმა ირაკლი იზორიამ. ამასთან, პროექტის ფარგლებში ვებ-პორტალიც შექმნა, რომლის საშუალებითაც მოქალაქეებს მათთვის საშიში ადგილების შესახებ მოკლე ტექსტური შეტყობინების გააგზავნა შეეძლებათ. ვებ გვერდის მისამართია www.megobruligzebi.ge. საშიში გზების შესახებ ინფორმაციის მიწოდება ტელეფონის საშუალებითაც, ნომერზე 91155, არის შესაძლებელი. პროექტი, „მეგობრული გზები“ ფონდი „პარტნიორობა საგზაო უსაფრთხოებისთვის“ და ორგანიზაცია ,,ელვას” ინიციატივით ხორციელდება . დღევანდელი შერხვედრა ზუგდიდის დემოკრატიული ჩართულობის ცენტრის საინფორმაციო მხარდაჭერით გაიმართა.