საფეხბურთო კლუბ „ზუგდიდის“ დირექტორმა მალხაზ ჭეჟიამ თანამდებობიდან გათავისუფლების შესახებ განცხადება დაწერა. „თანამდებობიდან წასვლის შესახებ განცხადებით გამგებელს მივმართე, თუმცა ჯერ არ არის დაკმაყოფილებული. მინდა ავღნიშნო, რომ კლუბიდან ჩემი ნებით მივდივარ“, - განუცხადა რადიო „ათინათს“ მალხაზ ჭეჟიამ. მისვე განმარტებით, ის ჯერჯერობით კლუბში რჩება და მუშაობას ჩვეულ რეჟიმში აგრძელებს. ცნობისთვის, კლუბ „ზუგდიდის“ დირექტორმა მალხაზ ჭეჟიამ 14 ნოემბერს საგანგებო ბრიფინგი გამართა, სადაც განაცხადა, რომ ზუგდიდის საკრებულოს თავმჯდომარე ლევან კონჯარიას მასზე ზეწოლას ახდენდა. საფეხბურთო კლუბ ზუგდიდის ირგვლივ გაუგებრობა და დაპირისპირება რამდენიმე თვეა გრძელდება. რამდენიმე კვირს წინ კი „ზუგდიდის“ მთავარმა მწვრთნელმა კობა წითაიშვილმა და სამმა წამყვანმა ფეხბურთელმა პროტესტის ნიშნად კლუბი დატოვეს. ს/კ „ზუგდიდი“ ჩემპიონატთა ლიგაში ბოლო, მე-12-ე ადგილზეა.