ოსკარის საბოლოო ნომინანტები 2015 წლის იანვარში გახდება ცნობილი, თავად დაჯილდოება კი 22 თებერვალს გაიმართება, მაგრამ, სხვადასხვა რეიტინგისა და მონაცემის გათვალისწინებით, უკვე არსებობენ სანომინანტე ფავორიტები. “ბავშვობა” (“Boyhood”) და “სასტუმრო გრანდ-ბუდაპეშტი” გამოსვლისთანავე მოექცნენ სავარაუდო ოსკაროსანთა სიაში. შესაბამისად, დიდი შანსია, რიჩარდ ლინკლეიტერი და უეს ანდერსონი პირველად წარადგინონ “საუკეთესო სურათის” ნომინაციაზე. მათ არ ჩამორჩებიან კანის კინოფესტივალის ფავორიტები “ფოქსკეტჩერი” და “მისტერ ტერნერი”. გარდა ამისა, ფესტივალების სიმპათია დაიმსახურეს ფილმებმა: “ჩიტკაცა”, “საიმიტაციო თამაში”, “გაუჩინარებული გოგონა”, “ყველაფრის თეორია” და “ველური”. მიუხედავად იმისა, რომ ზოგიერთი ნამუშევრის პრემიერა ჯერ არც შემდგარა, გამოუსვლელ ფილმთა ნაწილს მაინც მიიჩნევენ ოსკარის სავარაუდო ნომინანტებად. ამ სიაში მოიაზრებიან: “გაუტეხელი”, “სელმა”, “დიდი თვალები”, “ტყეში”, “ამერიკელი სნაიპერი” და კიდევ რამდენიმე ახალი სურათი. თუ დაზუსტებით გაინტერესებთ ამერიკული კინოაკადემიის ჯილდოს სავარაუდო მფლობელთა სია, წარმოგიდგენთ წლევანდელ ფავორიტ ნამუშევართა ჩამონათვალს: უკვე გამოსული ფილმები, რომლებიც “საუკეთესო სურათის” ნომინანტებად მოიაზრებიან: 1. “ბავშვობა” (რიჩარდ ლინკლეიტერი) 2. “ჩიტკაცა” (ალეხანდრო გონსალეს ინიარიტუ) 3. “საიმიტაციო თამაში” (მორტენ ტილდუმი) 4. “გაუჩინარებული გოგონა” (დევიდ ფინჩერი) ჯერ გამოსასვლელი ფილმები, რომლებიც “საუკეთესო სურათის” ნომინანტებად მოიაზრებიან: 5. “გაუტეხელი” (ანჯელინა ჯოლი) 6. “ვარსკვლავთშორისი” (ქრისტოფერ ნოლანი) 7. “ამერიკელი სნაიპერი” (კლინტ ისტვუდი) 8. “სელმა” (ავა დუვერნეი) ნაკლებად, მაგრამ მაინც სავარაუდო ნომინანტები “საუკეთესო სურათის” კატეგორიაში: 9. “ყველაფრის თეორია” (ჯეიმს მარში) 10. “ფოქსკეტჩერი” (ბენეტ მილერი) 11. “მისტერ ტერნერი” (მაიკ ლეი) 12. “გამათრახება” (დემიენ ჩაზელი) 13. “სასტუმრო გრანდ-ბუდაპეშტი” აქვეა ჯერ კიდევ გამოსასვლელი ნამუშევრები: 14. “ყველაზე საშინელი წელიწადი” (ჯეი-სი ჩანდორი) 15. “ტყეში” (რობ მარშალი) 16. “დიდი თვალები” (ტიმ ბარტონი) 17. “აზარტული მოთამაშე” (უილიამ მონაჰანი) თუ ზემოთ ჩამოთვლილთაგან რომელიმე ვარაუდი არ გამართლდება, გთავაზობთ ალტერნატიულ სანომინანტეებს: 18. “ველური” (ჯინ-მარკ ვალი) 19. “მოვალეობის შემსრულებელი” (პოლ თომას ანდერსონი) 20. “მაინც ალისი” (რიჩარდ გლატზერი და უოშ უესტმორლენდი) 21. “ტოპ-ხუთი” (ქრის როკი) 22. “რისხვა” (დევიდ ეიერი) 23. “ვარდის წყალი” (ჯონ სტიუარტი) 24. “სიყვარული უცნაურია” (ირა საჩსი) 25. “მამასახლისი” (ტომი ლი ჯონსი)