HSBC -ის მიერ შედგენილ რეიტინგს, რომელიც უცხოელი სამუშაო ძალისთვის ყველაზე სასურველ ქვეყნებს ადგენს, წელს შვეიცარია ლიდერობს. ბანკის ანალიტიკოსებმა გამოარკვიეს, რომ ექსპატებს შვეიცარიაში ცხოვრების მშვიდი წესი იზიდავს. რეიტინგი, 34 ქვეყნის წარმომადგენელი 9 300 ექსპატის გამოკითხვის საფუძველზე შედგა. შარშანდელი რეიტინგის ლიდერი ჩინეთი იყო, ხოლო შვეიცარია იმ წელს 24 ყველაზე სასურველ მიმართულებაშიც კი ვერ მოხვდა. თუმცა ეს დაკავშირებული იყო არა ცუდ პირობებთან უცხოელი სამუშაო ძალისთვის ამ ქვეყანაში, არამედ შარშანდელი შეფასების კრიტერიუმებთან, რაც წელს შეიცვალა და გარკვეული კატეგორიების დამატება მოხდა. კვლევის მიხედვით, ექსპატების მეოთხედი შვეიცარიაში $200 ათასზე მეტს გამოიმუშავებს წელიწადში, რაც 2-ჯერ მეტად აღემატება უცხოელების საშუალო ანაზღაურებას მთელ მსოფლიოში. რესპოდენტების აბსოლიტური უმრავლესობის (85%) შვეიცარიული ხელფასები უფრო მაღალია, ვიდრე ისინი გამომუშავედნენ საკუთარ სამშობლოში. რეიტინგის ლიდერი შვეიცარია მხოლოდ ეკონომიკური ფაქტორის გამო არ გახდა. ბევრმა სათანადოდ დააფასა აქტიური და ჯანსაღი ცხოვრების წესის წარმოების შესაძლებლობა ამ ქვეყანაში, შესანიშნავი პეიზაჟები და რბილი კლიმატი. რესპოდენტთა უმრავლესობამ ასევე განაცხადა, რომ უფრო მეტს მოგზაურობენ, შვეიცარიის ხელსაყრელი გეოგრაფიული მდებარეობის გამო. გამოკითხვაში მონაწილე ყოველი მესამე შვეიცარიელი ექსპატი ბრიტანელი იყო, ყოველი მეხუთე - ამერიკელი ან გერმანელი. უცხოელების სამსახური ყველაზე ხშირად დაკავშირებულია საბანკო, საფინანსო და სადაზღვევო სფეროებთან, ტელეკომუნიკაციებთან და ინფორმაციულ ტექნოლოგიებთან. მეორე ადგილზე წელს მოხვდა სინგაპური, შარშანდელი მესამე ადგილიდან. უცხოელები ძველებურად აფასებენ ცხოვრების მაღალ დონეს ამ ქვეყანაში, კულინარიას, აქტიურ სოციალურ ცხოვრებას და ხელმისაწვდომ ჯანდაცვის სისტემას. შარშანდელი ლიდერი ჩინეთი, წელს მესამე ადგილამდე ჩამოქვეითდა, თუმცა ცალკე ეკონომიკური მიმზიდველობით კვლავ პირველ ადგილზეა. მაღალმა ხელფასებმა და შედარებით დაბალმა ხარჯებმა, ექსპატების 76%-ს საშაულება მისცა უფრო მეტი ფული შეენახათ ჩინეთში მუშაობით, ვიდრე ამას საკუთარ სამშობლოში შეძლებნენ. 65%-მა გამოკითხულთა ასევე აღნიშნა განათლების უფრო მაღალი ხარისხის შესახებ ჩინეთში. რუსეთი, სადაც ქართველი ექსპატების დიდი ნაწილია კონცენტრირებული, წელს მე-17-ე ადგილზე ჩამოქვეითდა შარშანდელი მეშვიდედან. თუმცა ხელფასების მიხედვით, მისი ადგილი გლობალურ რეიტინგში მე-8-ეა. ექსპატები, რომლებიც რუსეთში ოჯახებით ჩადიან, ამბობენ, რომ კმაყოფილი არიან განათლების ხარისხით, მაგრამ აღნიშნავენ, რომ ადგილობრივ ბავშვებს საკუთარ თავში რწმენა აკლიათ. გარდა ამისა, უცხოელებს არ მოსწონთ რუსული სამზარეულო. ამბობენ, რომ უჭირთ დიეტის დაცვა და რთულია იქიდან მოგზაურობა. „თუ თქვენ არ გიღიმიან, საკუთარ თავს არ დააბრალოთ. ახალგაზრდობა უფრო მეგობრულადაა განწყობილი და ბევრი საუბრობს ინგლისურად“, - ასეთ რჩევას უზიარებენ ერთმანეთს HSBC-ის გამოკითხვაში მონაწილე ექსპატები, რომლებსაც რუსეთი ცხოვრება და მუშაობა მოუწიათ. შვეიცარიის, სინგაპურის და ჩინეთის შემდეგ, უცხოელებისთვის ყველაზე სასურველი ქვეყნებია: გერმანია, ბაჰრეინი, ახალი ზელანდია, ტაილანდი, ტაივანი, ინდოეთი, ჰონგ-კონგი, კანადა, ავსტრალია, ყატარი, ომანი, არაბეთის გაერთიანებული საემიროები, ვიეტნამი, რუსეთი, იაპონია, მალაიზია, ბელგია, მექსიკა, სამხრეთ აფრიკის რესპუბლიკა, საფრანგეთი, ესპანეთი, ირლანდია, თურქეთი, ნიდერლანდები, საუდის არაბეთი, ქუვეითი, აშშ, იტალია, ბრაზილია, დიდი ბრიტანეთი, ეგვიპტე.