რუბრიკები
მესტიის გამგეობა შპს "დაგი"-ს 6 მილიონ ლარს ედავება (ვიდეო)
ზუგდიდის საქალაქო სასამართლოში მესტიის მუნიციპალიტეტის გამგეობისა და შპს "დაგი"-ს სასამართლო პროცესი გაიმართა. მესტიის მუნიციპალიტეტი სამშენებლო კომპანიისგან 6 მილიონ 700 ათას ლარს ითხოვს.
დავის საგანი მესტიის ცენტრის რეაბილიტაციაა, რომელიც სამშენებლო კომპანიამ, მესტიის გამგეობის მტკიცებით, კანონიერი საფუძვლტს გარეშე, არაკეთილსინდისიერად და უხარისხდოდ შეასრულა. სასამართლო პროცესი სამოქალაქო კოდექსის 385-ე მუხლით მიმდინარეობს, რაც უსაფუძვლო გამდიდრებას გულისხმობს და ვალდებულების გარეშე გადახდილი თანხის დაბრუნებას ითვალისწინებს.
შპს "დაგი"-ს წარმომადგენელმა გიორგი ნასყიდაშვილამა პროცესზე განაცხადა, რომ მესტიის მუნიციპალიტეტის საჩივარი უსაფუძვლოა და კომპანიას ბრალი "არაფერში მიუძღვის".
შპს-ს წარმომადგენელმა სასამართლოს მოწმეების დაკითხვის შუამდგომლობით მიმართა. ის ყოფილი დეპუტატის კანდიდ კვიციანის, მესტიის ყოფილი გამგებლის შმაგი ნაკანის, მესტიის ცენტრის რეაბილიტაციის პროექტის ავტორის მერაბ გუჯეჯიანის, კომპანიის ფინანსური მენეჯერისა და მუშების დაკითხვას ითხოვდა. მოსამართლე ირაკლი აბშილავამ შუამდგომლობა ნაწილობრივ დააკმაყოფილა. აბშილავას გადაწყვეტილებით, სასამართლო შმაგი ნაკანსა და მერაბ გუჯეჯიანს დაკითხავს.
მესტიის მუნიციპალიტეტის გამგეობის წარმომადგენელმა ვალერი გელბახიანმა რადიო "ათინათთან" საუბარში აღნიშნა, რომ არც ერთ ობიექტზე, რომელსაც რეაბილიტაცია ჩაუტარადა, მიღება-ჩაბარების აქტი არ გაფორმებულა. მისივე მტკიცებით, მათ ასევე ვერ იპოვეს მესტიის ცენტრის რეაბილიტაციის პროექტი.
"პროექტი მარტო ნახაზები არ არის. მას სჭირდება სამართლებრივი პროცედურების გავლა. კერძოდ, სჭირდება გამგეობის მიერ ადმინისტრაციული წარმოების დაწყება, ნებართვის გაცემა და დამტკიცება. სახელმწიფომ 23 მილიონი ლარი დახარჯა აღნიშნულ სამუშაოებზე და მშენებლობა ისე დაიწყო და დამთავრდა, რომ მას კანონიერი საფუძველი არ გააჩნდა", - თქვა ველერი გელბახიანმა.
მისივე განმარტებით, შპს "დაგი" სამშენებლო სამუშაოებითვის თანხას წინასწარ, სრულად იღებდა, მაშინ როდესაც ხელშეკრულების თანახმად წინასწარ მხოლოდ 30% უნდა მიეღო.
მესტიის მუნიციპალიტეტის ცენტრის რეაბილიტაცია 2010-2012 წლებში განხორციელდა.
შპს "დაგი" მთელი ქვეყნის მასშტაბით ასრულებს სამშენებლო სამუშაოებს. სასტუმრო "ანაკლია", განმუხურის ამფითეატრი, ქუთაისის საფეხბურთო სტადიონი, ქუთაისის ოპერისა და ბალეტის სახელმწიფო თეატრი, წყალტუბოს რეაბილიტაცია - ეს იმ ობიექტების არასრული ჩამონათვალია, სადაც შპს "დაგი"-მ სამშენებლო სამუშაოები შეასრულა. შპს-ს სახელმწიფოსგან ათობით მილიონი ლარი აქვს მიღებული.
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
ინტერვიუ
გადაცემები
რუბრიკები
მულტიმედია
დილის ჩართვა
ოდაბადეშ კინოხონი
დადიანების სასახლეთა საგანძური
შენი საუკეთესო მომავლისთვის
მოქალაქეების აზრი
ჩვენი თვითმმართველობა
არქივი
ამინდი
ზუგდიდი
17
°C
სოხუმი
15
°C
ფოთი
15
°C
მესტია
5
°C
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები