კიდევ ერთი მშვენიერი წყვილის ისტორია მიუახლოვდა დასასრულს. ირინა შეიკი და კრიშტიანუ რონალდო, ხუთწლიანი ურთიერთობის შემდეგ, დაშორდნენ. „შეგვიძლია დავადასტუროთ, რომ ირინამ კრიშტიანუ რონალდოსთან თავისი ხუთწლიანი ურთიერთობა დაასრულა, -განაცხადა მოდელის წარმომადგენელმა. – მთელი ამ დროის მანძილზე მას მის ოჯახთან შესანიშნავი ურთიერთობა ჰქონდა. ნებისმიერი უარყოფითი ჭორი, რაც ირინასა და რონალდოს ოჯახს შეეხება – სრული სიცრუეა. ამას არანაირი კავშირი მათ დაშორებასთან არ აქვს. მოცემულ მომენტში ირინა ამ საკითხთან დაკავშირებით დამატებითი კომენტარის გაკეთებას არ გეგმავს“. პორტუგალიელმა ფეხბურთელმა და რუსმა მოდელმა შეხვედრა 2010 წელს Armani-ის ერთობლივი სარეკლამო კამპანიის შემდეგ დაიწყეს. მათი დაშორების შესახებ ჭორები ჯერ კიდევ რამდენიმე თვის წინ გავრცელდა. „ჰერაკლეს“ პრემიერაზე კრიშტიანუ ირინას თან არ ახლდა, ხოლო ირინა „ოქროს ბურთის“ გადაცემის ცერემონიაზე არ გაჰყოლია მას. საახალწლო დღესასწაულებიც მათ ცალ-ცალკე აღნიშნეს.