ჯულია რობერტსი და მისი პარტნიორები სტუდიიდან Red Om Films ბეტკიდზე მიძღვნილი დოკუმენტალური ფილმის საფუძველზე სრულმეტრაჟიანი სურათის გადაღებას აპირებენ. ამის შესახებ გამომცმელობა Comingsoon იტყობინება. საწყის წერტილად გამოიყენებენ პროექტს სახელად “Batkid Begins: The Wish Heard Around the World”, რომელიც მაყურებლის წინაშე Slamdance-ის კინოფესტივალზე წარდგება. შეგახსენებთ, რომ აქციას ორგანიზება ფონდმა Make a Wish 2013 წელს ლეიკემიით დაავადებული ხუთი წლის მაილზისთვის გაუკეთა. ბავშვის ოცნება იყო, რომ ბეტმენს შეხვედროდა. სპექტაკლში მონაწილეობა არა მხოლოდ ქალაქის მაცხოვრებლებმა და პროფესიონალმა მსახიობებმა, არამედ ქალაქის ადმინისტრაციის ხელმძღვანელობამ და პოლიციის სამმართველომაც მიიღეს. ხუთი წლის მაილზმა ბნელ რაინდთან ერთად სან-ფრანცისკოს ქუჩებში ბეტმობილით გაისეირნა, რამდენიმე გმირობაც ჩაიდინა და საბოლოოდ მერიისგან ქალაქის სიმბოლური გასაღებიც მიიღო. ქუჩის სექტაკლი 4 საათის განმავლობაში გრძელდებოდა და მთელი ამ დროის მანძილზე მაყურებლის მრავალრიცხოვანი მასა ესალმებოდა გოტემის ახალგაზრდა გადამრჩენელს. აშშ-ს პრეზიდენტმა ბარაკ ობამამ, სპეციალური მიმართვით, მაილზს ქალაქის გადარჩენისთვის მადლობა გადაუხადა.